ଭୁବନେଶ୍ୱର : ରାଜସ୍ୱ ବିଭାଗରୁ ହଟିବ ପୁରୁଣା ଆଇନ । ଆସିବ ନୂଆ ଆଇନ। ସରକାରୀ ଜମି କ୍ଷେତ୍ରରେ ଥିବା ଆଇନକୁ ସରଳୀକରଣ କରିବା ପାଇଁ ରାଜସ୍ୱ ବିଭାଗର ଉଦ୍ୟମ । ଓଡ଼ିଶା ସରକାରୀ ଜମି ପରିଚାଳନା ବିଲ୍ ଆସନ୍ତା ବିଧାନସଭା ଆସିପାରେ। ଆଜି ଲୋକସେବା ଭବନରେ ଏ ସମ୍ପର୍କିତ ଚିଠା ପ୍ରସ୍ତାବ ଉପରେ ସମୀକ୍ଷା କରିବା ପରେ ସୂଚନା ଦେଇଛନ୍ତି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ। ସମସ୍ତ ଆଇନ ସମୟ ଉପଯୋଗୀ ହେବା କଥା। ଓଡ଼ିଶାରେ ଯେତେ ରାଜସ୍ୱ ଆଇନ ଅଛି ସେସବୁ ୧୯୮୦ ମସିହା ପୂର୍ବର। ଏବେକାର ସ୍ଥିତିରେ ସେହି ସମସ୍ତ ରାଜସ୍ୱ ଆଇନକୁ ଅଧ୍ୟୟନ କରି ସଂଶୋଧନ କରିବାର ଆବଶ୍ୟକତା ରହିଛି।
odisha prevention of land encroachment ଏବଂ ଓଡିଶା govt land ସେଟେଲମେଣ୍ଟ ଆକ୍ଟ। ଏହି ଦୁଇଟି ଆଇନକୁ ନେଇ ଓଡିଶା ସରକାରୀ ଜମି ପରିଚାଳନା ଆକ୍ଟ କରିବା ପାଇଁ ଚିଠା ପ୍ରସ୍ତାବ ଆସିଛି। ରାଜସ୍ୱ ମନ୍ତ୍ରୀ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ବସିଥିବା ଆଜିର ବୈଠକରେ ରାଜସ୍ୱ ବିଭାଗର ଅତିରିକ୍ତ ମୁଖ୍ୟ ସଚିବ, ଆଇନ ସଚିବ ଓ ବରିଷ୍ଠ ରାଜସ୍ୱ ଅଧିକାରୀ ମାନେ ଉପସ୍ଥିତ ଥିଲେ। ଏହି ଚିଠା ପ୍ରସ୍ତାବ ରାଜସ୍ୱ ମନ୍ତ୍ରୀଙ୍କ ଅନୁମୋଦନ ପାଇବା ପରେ କ୍ୟାବିନେଟର ଅନୁମୋଦନ ପାଇଁ ଯିବ। ଆସନ୍ତା ବଜେଟ ଅଧିବେଶନରେଏସମ୍ପର୍କିତ ବିଲ୍ ଆଣିବାକୁ ସରକାର ଯୋଜନା କରିଛନ୍ତି ।
