ବାଲେଶ୍ଵର (ଭିଓଭି) ୨୩/୮ : – ବାଲେଶ୍ୱର ଜିଲ୍ଲା ନୀଳଗିରି ଥାନା ଅଧୀନ ମିତ୍ରପୁରର ବ୍ଲୁ ଲେକରେ ୨ ଛାତ୍ର ରିଲ୍ସ କରୁଥିବା ସମୟରେ ଗଭୀର ପାଣିରେ ବୁଡ଼ି ନିଖୋଜ ହୋଇଥିଲେ । ସୂଚନା ଅନୁଯାୟୀ କେନ୍ଦୁଝର, ବାରିପଦା ଏବଂ ଭଦ୍ରକ ଅଞ୍ଚଳର କିଛି ଛାତ୍ର ବାଲେଶ୍ୱରର ଫକୀରମୋହନ କଲେଜରେ ପାଠ ପଢୁଥିବା ବେଳେ ଗତ କାଲି କିଛି ସାଙ୍ଗସାଥୀ ମାନଙ୍କ ସହିତ ବୁଲିବାକୁ ଯାଇଥିଲେ । ୨ ଛାତ୍ର ରିଲ୍ସ କରୁଥିବା ସମୟରେ ଗଭୀର ପାଣିକୁ ଖସି ପଡ଼ିଥିଲେ । ବ୍ଲୁ ଲେକରେ ପାଣିର ଗଭୀରତା ପ୍ରାୟ ୨୦୦ ଫୁଟରୁ ଅଧିକ । ଉଭୟ ଫକୀରମୋହନ କଲେଜର +୨ ବାଣିଜ୍ୟର ଦ୍ୱିତୀୟ ବର୍ଷର ଛାତ୍ର ।
ଭଦ୍ରକ ଅଞ୍ଚଳର ଅପୂର୍ବରଞ୍ଜନ ପାତ୍ରଙ୍କ ପୁଅ ଅଂଶୁମାନ (୧୭) ଏବଂ ଅନ୍ୟଜଣେ ବାରିପଦା ଅଞ୍ଚଳର ଅଜିତ କୁମାର ପାତ୍ରଙ୍କ ପୁଅ ଭବିଷ୍ୟ (୧୭) । ରେମୁଣା କଲେଜରେ ପଢୁଥିବା କେନ୍ଦୁଝର ଅଞ୍ଚଳର ରୋଶନ ନାୟକ ଉପରେ ରହି ଯାଇଥିବାରୁ ବର୍ତ୍ତି ଯାଇଛନ୍ତି । ଅଗ୍ନିଶମ କର୍ମଚାରୀ ଏବଂ ଓଡ୍ରାଫ ଟିମ୍ ସହଯୋଗ ରେ ୨୪ ଘଣ୍ଟା ପରେ ନିଖୋଜ ଛାତ୍ର ୨ ଜଣଙ୍କ ର ମୃତଦେହ କୁ ଉଦ୍ଧାର କରାଯାଇ ଶବ ବ୍ୟବଛେଦ ପାଇଁ ପଠେଇ ଦିଆଯାଇଛି । ସମଗ୍ର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
