କୋଣାର୍କ (ଭିଓଭି): କୋଣାର୍କ ଥାନା ଅର୍ନ୍ତଗତ ଶିମିଳି ପଞ୍ଚାୟତ ମାଟିଆପଡା ଗାଁରେ ଏକ ଲଜ୍ଜା ଜନକ ଘଟଣା ପଦାକୁ ଆସିଛି। ବାପା ନିଜର ଝିଅ ନବମ ଶ୍ରେଣୀ ଛାତ୍ରୀଙ୍କୁ ବଳାତ୍କାର କରିବା ପରେ ଝିଅ ଲଜ୍ଜା ସହି ନପାରି କରିଛି ଆତ୍ମହତ୍ୟା । ଏପରି ଅଭିଯୋଗ ଆଣିଛନ୍ତି ଝିଅର ମା ବିନତୀ ମହାନ୍ତି। କିଛି ଦିନ ହେବ ବାପା ମଳୟ ରଞ୍ଜନ ମହାନ୍ତି ତାଙ୍କ ବଡ ଝିଅ କୁ ବଳାତ୍କାର କରୁଥିଲେ। ନାବାଳିକା ଝିଅ ଏପରି ଏକ ଲଜ୍ଜାଜନକ ଘଟଣା ସଂପର୍କରେ ମା’କୁ ଅଭିଯୋଗ କରିଥିଲେ ମଧ୍ୟ ସମାଜରେ ନିଜର ଏପରି ଘଟଣା କୁ ଲୁଚାଇ ରଖିବା ସହିତ ତାଙ୍କ ସ୍ବାମୀ ମଳୟଙ୍କୁ ତାଗିଦ୍ କରିଥିଲେ। ହେଲେ ଆଜି ସକାଳୁ ନାବାଳିକା ଝିଅକୁ ଜୋର ଜବରଦସ୍ତ ବଳାତ୍କାର କରିଥିଲେ ତାଙ୍କ ବାପା ମଳୟ। ନାବାଳିକା ଅପ୍ରୀତା ଲଜ୍ଜା ସହି ନପାରି ଆତ୍ମହତ୍ୟା ନିଜ ଶୋଇବା ଘରେ କରିଥିଲେ । ଏପରି ଆତ୍ମହତ୍ୟା ଘଟଣା ମା ଜାଣିବା ପରେ ଝିଅକୁ ଧରି ସଙ୍ଗେ ସଙ୍ଗେ ଗୋପ ଡାକ୍ତରଖାନାକୁ ଆଣିଥିଲେ। ମାତ୍ର ଡାକ୍ତର ନାବାଳିକାକୁ ମୃତ୍ୟୁ ଘୋଷଣା କରିବା ସହ ଗୋପ ଥାନାକୁ ଏ ସଂପର୍କରେ ଅବଗତ କରାଇଛନ୍ତି। ଏପରି ଏକ ସମ୍ବେଦନଶୀଳ ଘଟଣା ସଂପର୍କରେ ମା ସିଧାସଳଖ ବାପା ମଳୟ ରଞ୍ଜନ ମହାନ୍ତି ଝିଅକୁ ବାରମ୍ବାର ବଳାତ୍କାର କରିବାରୁ ମୋ ଝିଅ ଆତ୍ମହତ୍ୟା କରିଲା ବୋଲି କହିଛନ୍ତି। ସେପଟେ କୋଣାର୍କ ଥାନାରେ ଏକ ଲିଖିତ ଅଭିଯୋଗ ହେବାପରେ କୋଣାର୍କ ପୋଲିସ ଶବ ଜବତ କରି ଖୋଜୁଛି ବାପାଙ୍କୁ। ବାପା ଫେରାର ଥିବା ସୂଚନା ଦେଇଛି କୋଣାର୍କ ପୋଲିସ।
ବାପାର ବଳାତ୍କାର ପରେ ନାବାଳିକାର ଆତ୍ମହତ୍ୟା
