ଭୁବନେଶ୍ବର (ଭିଓଭି): ଇଲେକ୍ଟ୍ରୋହୋମିଓପାଥିକର ଜନକ ଡାକ୍ତର କାଉଣ୍ଟ କିଜର ମେଟ୍ଟୀଙ୍କ ୧୨୮ତମ ଶ୍ରାଦ୍ଧବାର୍ଷିକୀ ଭୁବନେଶ୍ୱର ଆଚାର୍ଯ୍ୟବିହାର ସ୍ଥିତ ବରିଷ୍ଠ ଡାକ୍ତର ତଥା ‘ସେପା’ର ସାଧାରଣ ସମ୍ପାଦକ ଡା. ପର୍ଶୁରାମ ଖଟୁଆଙ୍କ ର କ୍ଲିନିକରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ବରିଷ୍ଠ ଚିକିତ୍ସକମାନେ ଚିକିତ୍ସା ବିଜ୍ଞାନ ଉପରେ ଥିବା ନିଜ ନିଜର ଅଭିଜ୍ଞତା ଉପରେ ବିଶେଷ ଆଲୋକପାତ କରିବା ସହିତ ଆଗାମୀ ଦିନରେ ଏହି ଚିକିତ୍ସା ପଦ୍ଧତି କିଭଳି ଭାବରେ ରାଜ୍ୟର ସବୁ ସ୍ଥାନରେ ଉପଲବ୍ଧ ହୋଇପାରିବ ସେ ବିଷୟରେ ସବିଶେଷ ଆଲୋଚନା କରିଥିଲେ।
ଏହି କାର୍ଯ୍ୟକ୍ରମରେ ସଂଘର ସଭାପତି ଡା. ସରୋଜ କୁମାର ସାହୁ, ଉପସଭାପତି ଡା. ମନୋଜ କୁମାର ମହଲା, ସାଧାରଣ ସମ୍ପାଦକ ଡା. ପର୍ଶୁରାମ ଖଟୁଆ, ଉପଦେଷ୍ଟା ଡା. କମଳାକାନ୍ତ ନାୟକ, ଡା. ରଣଜିତ୍ ପଟ୍ଟନାୟକ, ଡା. ଅଜିତ କୁମାର ବାରିକ, ଡା. ସୂର୍ଯ୍ୟକାନ୍ତ ମହାନ୍ତି, ଡା. ଶୁଭ୍ରା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମକୁ ଡା. ସୁନିତା ମହାନ୍ତ ଏବଂ ଡା. ଗୀତାଞ୍ଜଳି ସାହୁ ପରିଚାଳନା କରିଥିଲେ।
