ନୂଆଦିଲ୍ଲୀ: ୮ ଏପ୍ରିଲ୍ ଏକ ବିଶେଷ ଦିନ ହେବାକୁ ଯାଉଛି। ବର୍ଷର ପ୍ରଥମ ସୂର୍ଯ୍ୟ ପରାଗ ଏହି ଦିନ ଅନୁଷ୍ଠିତ ହେଉଛି। ଏହା ଏକ ପୂର୍ଣ୍ଣ ସୂର୍ଯ୍ୟ ପରାଗ ହେବ ଯାହା ପୃଥିବୀର ଅନେକ ସ୍ଥାନରେ ଦୃଶ୍ୟମାନ ହେବ। ଯେତେବେଳେ ପୃଥିବୀ, ସୂର୍ଯ୍ୟ ଏବଂ ଚନ୍ଦ୍ର ଗୋଟିଏ ସରଳରେଖାରେ ଥାଆନ୍ତି ସେତେବେଳେ ପୂର୍ଣ୍ଣ ସୂର୍ଯ୍ୟ ପରାଗ ହୁଏ। ଏହି କାରଣରୁ ପୃଥିବୀର ଗୋଟିଏ ଅଂଶ ସଂପୂର୍ଣ୍ଣ ଅନ୍ଧାରରେ ବୁଡିଯାଏ। ଏହି ସୂର୍ଯ୍ୟ ପରାଗକୁ ନେଇ ଆମେରିକା ଚିନ୍ତାରେ ରହିଛି।
କେଉଁ ସମୟରେ ଭାରତ ଏବଂ ଆମେରିକାରେ ସୂର୍ଯ୍ୟ ପରାଗ ହେବ ଏବଂ ଏହାର ପ୍ରଭାବ କ’ଣ ହେବ:-
ସୋମବାର, ୮ ଏପ୍ରିଲ ୨୦୨୪ ରେ ଘଟୁଥିବା ସୂର୍ଯ୍ୟ ପରାଗର ଅବଧି ବହୁତ ଲମ୍ବା ହେବାକୁ ଯାଉଛି। ଭାରତୀୟ ସମୟ ଅନୁଯାୟୀ, ଏହି ସୂର୍ଯ୍ୟ ପରାଗ ଏପ୍ରିଲ ୮ ରେ ରାତି ୯:୧୨ ରୁ ଆରମ୍ଭ ହୋଇ ମଧ୍ୟରାତ୍ରି ୦୧:୨୫ ରେ ଶେଷ ହେବ। ଯେତେବେଳେ କି ଆମେରିକାର ଟେକ୍ସାସରେ ପୂର୍ଣ୍ଣ ସୂର୍ଯ୍ୟ ପରାଗର ଛାୟା ଅପରାହ୍ନ ୧:୨୭ ରେ ଆରମ୍ଭ ହେବ ଏବଂ ଅପରାହ୍ନ ୩:୩୫ ରେ ଶେଷ ହେବ। ପ୍ରାୟ ୭ ମିନିଟର ସମୟ ଆସିବ ଯେତେବେଳେ ସମଗ୍ର ପୃଥିବୀ ଅନ୍ଧାରରେ ବୁଡ଼ିଯିବ। ଯଦିଓ ଏପ୍ରିଲ୍ ୮ ରେ ହେବାକୁ ଥିବା ଏହି ସୂର୍ଯ୍ୟପରାଗ ଅନେକ ଦେଶରେ ଦୃଶ୍ୟମାନ ହେବ, କିନ୍ତୁ ଏହା ଆମେରିକାରେ ଅଧିକ ସ୍ପଷ୍ଟ ଦେଖାଯିବ। ବିଶେଷ କରି ଆମେରିକାର ଉତ୍ତର ଭାଗରେ ଏହି ସମୁଦାୟ ସୂର୍ଯ୍ୟ ପରାଗ ସ୍ପଷ୍ଟ ଭାବରେ ଦୃଶ୍ୟମାନ ହେବ। ଏହା ବ୍ୟତୀତ ପଶ୍ଚିମ ୟୁରୋପ ପ୍ରଶାନ୍ତ ମହାସାଗରୀୟ, ଆଟଲାଣ୍ଟିକ୍, ଆର୍କଟିକ୍ ମେକ୍ସିକୋ, କାନାଡା, ମଧ୍ୟ ଆମେରିକା, ଦକ୍ଷିଣ ଆମେରିକାର ଉତ୍ତର ଭାଗ, ଇଂଲଣ୍ଡ ଏବଂ ଆୟର୍ଲାଣ୍ଡର ଉତ୍ତର ପଶ୍ଚିମ ଅଞ୍ଚଳରେ ଏହି ସୂର୍ଯ୍ୟ ପରାଗ ଦୃଶ୍ୟମାନ ହେବ।
ପୂର୍ଣ୍ଣ ସୂର୍ଯ୍ୟ ପରାଗ ବିଷୟରେ ଆମେରିକା ଚିନ୍ତିତ। କାରଣ ଏହା ସେଠାରେ ଥିବା କେତେକ ରାଜ୍ୟରେ ସ୍ପଷ୍ଟ ଦେଖାଯିବ। ଏଥିପାଇଁ ସେଠାରେ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କରାଯାଉଛି। ଆମେରିକାରେ ସୂର୍ଯ୍ୟଙ୍କ କ୍ଷତିକାରକ କିରଣ ଅଧିକ ପ୍ରଭାବଶାଳୀ ହେବ। ଏପରିକି ଅନେକ ରାଜ୍ୟରେ ୮ ଏପ୍ରିଲରେ ଅର୍ଥାତ୍ ସୂର୍ଯ୍ୟ ପରାଗ ଦିନ ସ୍କୁଲ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। ଆମେରିକାର ସରକାର ଏହାର ନାଗରିକମାନଙ୍କୁ ଏହି ଦିନ ଘର ଭିତରେ ରହିବାକୁ ନିବେଦନ କରୁଛନ୍ତି। ଯାହା ଦ୍ଵାରା ସେମାନେ ସୂର୍ଯ୍ୟଙ୍କ କ୍ଷତିକାରକ କିରଣରୁ ରକ୍ଷା ପାଇପାରିବେ। ଚନ୍ଦ୍ରଗ୍ରହଣ ସମୟରେ ଲୋକଙ୍କୁ ନିଜ ଘର ଛାଡିବାକୁ ପଡିବ ନାହିଁ ବୋଲି ନିଶ୍ଚିତ କରିବାକୁ ଆମେରିକା ସରକାର ସମସ୍ତଙ୍କୁ ଜରୁରୀ ଜିନିଷ ସଂଗ୍ରହ କରିବାକୁ କହୁଛନ୍ତି। ବୈଜ୍ଞାନିକଙ୍କ ଅନୁଯାୟୀ, ଏପ୍ରିଲ୍ ୮ରେ ଘଟୁଥିବା ସୂର୍ଯ୍ୟ ପରାଗ ବିପଜ୍ଜନକ ହୋଇପାରେ, ଏପରି ପରିସ୍ଥିତିରେ ଲୋକମାନେ ଆଦୌ ବେପରୁଆ ହେବା ଉଚିତ୍ ନୁହେଁ। ଆମେରିକାରେ ସୂର୍ଯ୍ୟ ପରାଗ ବିଷୟରେ ଭୟର ବାତାବରଣ ଥିବାବେଳେ ଭାରତବାସୀ ଏହି ସୂର୍ଯ୍ୟ ପରାଗକୁ ନେଇ ସମ୍ପୂର୍ଣ୍ଣ ଆରାମରେ ଅଛନ୍ତି। ୮ ଏପ୍ରିଲରେ ଏହି ସୂର୍ଯ୍ୟ ପରାଖ ଭାରତରେ ଦେଖାଯିବ ନାହିଁ। ଏଠାରେ ଏହା ଦୃଶ୍ୟମାନ ହେଉ ନ ଥିବାରୁ ସୂର୍ଯ୍ୟ ପରାଗ ଭାରତୀୟଙ୍କ ଉପରେ କୌଣସି ଖରାପ ପ୍ରଭାବ ପକାଇବ ନାହିଁ। ଭାରତରେ ଦୃଶ୍ୟମାନ ନହେବା ହେତୁ ଏହାର ଧାର୍ମିକ ମହତ୍ତ୍ୱ ରହିବ ନାହିଁ। କିମ୍ବା ଏହାକୁ ସୂତକ କାଳ ଭାବରେ ବିବେଚନା କରାଯିବ ନାହିଁ।
