ପୁଣି ଅଭିନେତା ସଲମାନ ଖାନଙ୍କୁ ହତ୍ୟା ଧମକ: ରାଜସ୍ଥାନରୁ ଜଣେ ଅଭିଯୁକ୍ତକୁ ଗିରଫ କଲା ପୋଲିସ

ନୂଆଦିଲ୍ଲୀ: ବଲିଉଡ ସୁପରଷ୍ଟାର ସଲମାନ ଖାନଙ୍କୁ ହତ୍ୟା ଧମକ ମାମଲାରେ ଏକ ବଡ ଅପଡେଟ ସାମ୍ନାକୁ ଆସିଛି। ତାଙ୍କ ମୃତ୍ୟୁର ଷଡ଼ଯନ୍ତ୍ର ପାଇଁ ମୁମ୍ବାଇ ସାଉଥ ସାଇବର ପୋଲିସ ଷ୍ଟେସନରେ ଏଫ୍ଆଇଆର୍ ପଞ୍ଜୀକୃତ ହୋଇଛି। କିଛି ଦିନ ପୂର୍ବରୁ ଲରେନ୍ସ ବିଷ୍ନୋଇ ଗ୍ୟାଙ୍ଗର ଜଣେ ବ୍ୟକ୍ତି ସୋସିଆଲ ମିଡିଆ ପ୍ଲାଟଫର୍ମ ୟୁଟ୍ୟୁବରେ ଏକ ଭିଡିଓ ଅପଲୋଡ୍ କରିଥିଲେ। ଅଭିଯୋଗ ହୋଇଥିବା ଭିଡିଓରେ ସଲମାନ ଖାନଙ୍କୁ ହତ୍ୟା କରିବାର ଆଲୋଚନା ହୋଇଥିଲା। ସଲମାନ ଖାନଙ୍କୁ ହତ୍ୟା କରିବାର ଧମକ ଦେବା ମାମଲାରେ ସାଇବର ପୋଲିସ ଆଇଟି ଆକ୍ଟ ୬୬ (ଡି) ସହିତ ୫୦୬ (୨), ୫୦୪, ୩୪ ଧାରାରେ ଏଫଆଇଆର ପଞ୍ଜିକରଣ କରିଛି। କ୍ରାଇମ ବ୍ରାଞ୍ଚର ଏକ ଟିମ୍ ଏହି ଘଟଣାର ତଦନ୍ତ ପାଇଁ ରାଜସ୍ଥାନ ଯାଇଥିଲେ। ଏହି ମାମଲାରେ ରାଜସ୍ଥାନରୁ ବନୱାରିଲାଲ ଗୁର୍ଜର (୨୫) ନାମକ ଜଣେ ବ୍ୟକ୍ତିଙ୍କୁ ପୋଲିସ ଗିରଫ କରିଛି। ଅପରାହ୍ନରେ ତାଙ୍କୁ ମୁମ୍ବାଇ ଅଣାଯିବ।