ଭୁବନେଶ୍ୱର: ବଡ଼ ଖବର । ଗିରଫ ହେଲେ ଜଗନ୍ନାଥ ପ୍ରଦାନ । ବିଜେପି ନେତା ଜଗନ୍ନାଥ ପ୍ରଧାନଙ୍କୁ ଗିରଫ କରିଛି କମିଶନରେଟ୍ ପୋଲିସ । BMC ଅଫିସରଙ୍କୁ ମାଡ଼ ମାରିବା ଘଟଣାରେ ତାଙ୍କୁ ଗିରଫ କରାଯାଇଛି । ତେବେ ଗିରଫ ପୂର୍ବରୁ ତାଙ୍କର ସମର୍ଥକଙ୍କ ସହିତ ସେ ଡିସିପି ଅଫିସରେ ପହଞ୍ଚିଥିଲେ। ତେବେ ତା ପୂର୍ବରୁ ସେ ଘରୁ ଲେଖିଆଣିଥିବା ଏକ କାଗଜ ମିଡିଆ ଆଗରେ ପଢି ଶୁଣେଇଥିଲେ। ସେ କହିଥିଲେ ଯେ, ମୁଁ ପୋଲିସ ତଦନ୍ତରେ ସାହାଯ୍ୟ କରିବାକୁ ଆସିଛି।
ଏକ ଲମ୍ବା କାଗଜରେ ଲେଖିଆଣିଥିବା ବିବୃତିରେ ସେ କହିଛନ୍ତି ଯେ, ବର୍ତ୍ତମାନ ରାଜ୍ୟର ବିଭିନ୍ନ ଜିଲ୍ଲାରେ ବନ୍ୟା ପରିସ୍ଥିତି ରହିଛି। ଆଗକୁ ବାହୁଡା ଏବଂ ସୁନାବେଶ ରହିଛି। ଏସବୁ କାର୍ଯ୍ୟରେ ଓଏଏସ ଅଫିସରଙ୍କ ଆବଶ୍ୟକତା ରହିଛି। ଯଦି ମୋ ପାଇଁ ଏସବୁ କାମରେ ବାଧା ଆସୁଛି ତେବେ ମୁଁ ସମସ୍ତ ପ୍ରକାରର ପଦକ୍ଷେପକୁ ଗ୍ରହଣ କରିବା ପାଇଁ ରାଜି ଅଛି। ରାଜ୍ୟର ବୃହତ୍ତର ସ୍ବାର୍ଥ ପାଇଁ ମୁଁ ସବୁ ପ୍ରକାରର ତଦନ୍ତକୁ ଗ୍ରହଣ କରିବି। ଏହା କହି ସେ ଡିସିପି ଅଫିସ ଭିତରକୁ ଯାଇଛନ୍ତି।
