ରଣପୁର(ଭିଓଭି) : ନିର୍ବାଚନକୁ ଆଖି ଆଗରେ ରଖି ବିଜୁ ଜନତା ଦଳ ଉତ୍ସାହୀ ଯୁବ ନେତା ବିଷ୍ଣୁ ପ୍ରସାଦ ମିଶ୍ରଙ୍କୁ ରଣପୁର ବିଜ୍ଞାପିତ ଅଞ୍ଚଳ ପରିଷଦର ଯୁବ ସଭାପତି ଭାବେ ନିଯୁକ୍ତି ପ୍ରଦାନ କରିଛି। ବିଷ୍ଣୁ ପ୍ରସାଦ ଏକାଧାରରେ ଜଣେ ସମାଜସେବୀ ଏବଂ କ୍ରୀଡ଼ାବିତ୍। ରଣପୁର ଅଞ୍ଚଳରେ ହକିଠାରୁ ଆରମ୍ଭ କରି ଫୁଟବଲ, ଭଲିବଲ୍ ଓ କ୍ରିକେଟ ପର୍ଯ୍ୟନ୍ତ ସମସ୍ତ କ୍ଷେତ୍ରରେ ଖେଳାଳୀମାନଙ୍କୁ ପ୍ରୋତ୍ସାହନ ସହିତ ପ୍ରଶାସନ ସହ ଯୋଡ଼ି ହୋଇ କ୍ରୀଡା ଭିତ୍ତିଭୂମିର ବିକାଶ ପାଇଁ ସେ ସବୁବେଳେ ଉଦ୍ୟମ ଜାରି ରଖିଛନ୍ତି। ଗ୍ରୀଷ୍ମ ଋତୁରେ ଜଳଛତ୍ରଠାରୁ ଆରମ୍ଭ କରି ଆବଶ୍ୟକ ସମୟରେ ଅନ୍ନଛତ୍ର କାର୍ଯ୍ୟକ୍ରମରେ ସେ ସର୍ବଦା ସହଯୋଗ କରିଥାନ୍ତି। ରକ୍ତଦାନ କାର୍ଯ୍ୟକ୍ରମ ସହିତ ଦୁଃଖୀରଙ୍କୀମାନଙ୍କୁ ଉପଯୁକ୍ତ ଚିକିତ୍ସା କିପରି ମିଳିପାରିବ ସେଥିପାଇଁ ସେ ସର୍ବଦା ଚେଷ୍ଟା କରିଥାନ୍ତି। ଯୁବ ସଭାପତି ଭାବେ ତାଙ୍କରି ନିଯୁକ୍ତି ଖବର ପାଇ ରଣପୁରରେ ଆନନ୍ଦର ଲହରୀ ଖେଳିଯାଇଛି।
ବିଷ୍ଣୁ ପ୍ରସାଦ ହେଲେ ରଣପୁର ଏନ୍ଏସି ଯୁବ ବିଜେଡି ସଭାପତି
