ଏସିଆନ୍ ଗେମ୍ସରେ ଦମଦାର ପ୍ରଦର୍ଶନ କରି ଦେଶ ପାଇଁ ଗୌରବ ଆଣିଥିବା ଭାରତୀୟ ପୁରୁଷ ଓ ମହିଳା ହକି ଟିମ୍ ଭୁବନେଶ୍ୱରରେ ପହଞ୍ଚିଛନ୍ତି। ବିଜୟୀ ହକି ଦଳ ଭୁବନେଶ୍ୱର ବିମାନବନ୍ଦରରେ ଓହ୍ଲାଇବା ପରେ ସେମାନଙ୍କୁ ଅତ୍ୟନ୍ତ ଭବ୍ୟ ଓ ଉତ୍ସାହଜନକ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। ବିମାନବନ୍ଦର ପରିସରରେ ଉପସ୍ଥିତ ହକିପ୍ରେମୀ ଓ ପ୍ରଶଂସକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା।
ଅନ୍ୟପଟେ ଓଡ଼ିଶା ଗସ୍ତ ଅବସରରେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉଭୟ ପୁରୁଷ ଓ ମହିଳା ହକି ଦଳକୁ ବିଶେଷ ଭାବେ ସମ୍ବର୍ଦ୍ଧିତ କରିବେ। ଅନୁର୍ଜାତୀୟ ସ୍ତରରେ ଦେଶର ଗୌରବ ବଢ଼ାଇଥିବା ଖେଳାଳିଙ୍କୁ ସମ୍ମାନିତ କରିବା ସହ ସେମାନଙ୍କ ସଫଳତାକୁ ପାଳନ କରାଯିବ। ଏସିଆନ ଗେମ୍ସର ଫାଇନାଲ ମ୍ୟାଚରେ ଭାରତୀୟ ପୁରୁଷ ହକି ଟିମ୍ ମାଲେସିଆକୁ ୪-୧ ଗୋଲରେ ଶୋଚନୀୟ ଭାବେ ପରାସ୍ତ କରି ସ୍ୱର୍ଣ୍ଣ ପଦକ ହାସଲ କରିଥିଲା।
