ସରକାରୀ କର୍ମଚାରୀଙ୍କ ଜଏନିଂ ଓ ପୋଷ୍ଟିଂ ଅର୍ଡର ପ୍ରଦାନରେ ଅଯଥା ବିଳମ୍ବ ହେବାକୁ ନେଇ ରାଜ୍ୟ ସରକାର କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି । ଅର୍ଥ ବିଭାଗ ପକ୍ଷରୁ ଏନେଇ ସର୍କୁଲାର ଜାରି କରି ସମସ୍ତ ସଚିବଙ୍କୁ କଡ଼ା ନିର୍ଦ୍ଦେଶ ଦିଆଯାଇଛି ।
ସର୍କୁଲାରେ କୁହାଯାଇଛି, ପୋଷ୍ଟିଂ ଅର୍ଡର ଦେବାରେ ବିଳମ୍ବ ହେଲେ ଯେଉଁ କର୍ମଚାରୀଙ୍କର ନିଷ୍କ୍ରିୟ ବେତନ ଅପଚୟ ହେବ, ତାହା ବିଳମ୍ବ ପାଇଁ ଦାୟୀ ଅଧିକାରୀଙ୍କ ଠାରୁ ଆଦାୟ କରାଯିବ । ୧୨୦ ଦିନ କିମ୍ବା ୬ ମାସରୁ ଅଧିକ ସମୟ ପାଇଁ ପୋଷ୍ଟିଂ ବୃଦ୍ଧି ପ୍ରସ୍ତାବକୁ ସରକାର ଗ୍ରହଣ କରିବେ ନାହିଁ ।
