ଭୁବନେଶ୍ୱର : ମହାପ୍ରଭୁଙ୍କ ସବୁ ନୀତି ନିଜେ ମହାପ୍ରଭୁ ନିର୍ଦ୍ଧାରଣ କରିଛନ୍ତି । ନୀତି ଓ ପରମ୍ପରାକୁ ନମାନିଲେ ଆଇନର ଆଶ୍ରୟ ନେବୁ । ଆଜି ଇସ୍କନର ଅଦିନିଆ ରଥଯାତ୍ରା ନେଇ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ କହିଛନ୍ତି ଗଜପତି ମହାରାଜା । ନୀତି ବିରୋଧୀ ସ୍ନାନଯାତ୍ରା ଓ ରଥଯାତ୍ରା ପାଇଁ ୧୦୦ ପୃଷ୍ଠାର ଏକ ପୂର୍ଣ୍ଣାଙ୍ଗ ଉତ୍ତର ଆଜି ଇସ୍କନକୁ ପ୍ରଦାନ କରାଯାଇଛି । ନୀତି ଅନୁଯାୟୀ ପରମ୍ପରାକୁ ପାଳନ କରିବା ପାଇଁ ଇସ୍କନକୁ ଏକ ମାସର ସମୟ ଦିଆଯାଇଛି ବୋଲି କହିଛନ୍ତି ଗଜପତି ମହାରାଜା । କିଛି ଦଶନ୍ଧୀ ହେବ ଶାସ୍ତ୍ରକୁ ଉଲଂଘନ କରି ଇସ୍କନ ପାଳନ କରିଛି ଅଦିନିଆ ରଥଯାତ୍ରା ଓ ସ୍ନାନଯାତ୍ରା । ଶ୍ରୀ ଜଗନ୍ନାଥ ମନ୍ଦିର ପରିଚାଳନା କମିଟି ଅଧ୍ୟକ୍ଷ ଶ୍ରୀ ଗଜପତିଙ୍କ ଦ୍ଵାରା ଇସ୍କନକୁ ଏନେଇ ଚିଠି ଲେଖାଯାଇଛି ବୋଲି କହିଛନ୍ତି ଅରବିନ୍ଦ ପାଢୀ, ମୁଖ୍ୟ ପ୍ରଶାସକ, ଶ୍ରୀମନ୍ଦିର ପରିଚାଳନା କମିଟି ।
ଇସ୍କନ ଗୋବର୍ଦ୍ଧନ ଦାସ ମହାରାଜଙ୍କୁ ଶ୍ରୀ ମନ୍ଦିର ପରିଚାଳନା କମିଟି ପକ୍ଷରୁ ୧୦୦ ପୃଷ୍ଠାର ଏକ ଦସ୍ତାବିଜ୍ ପ୍ରଦାନ କରାଯାଇଛି । ଏହାକୁ ପଢ଼ିବା ପରେ କେତେ ବଡ଼ ଭୁଲ ପ୍ରାୟ ୫୦ ବର୍ଷ ମଧ୍ୟରେ ହୋଇଛି ତାହାକୁ ବୁଝିହେବ । ଶିଳା ପ୍ରଭୁପାଦଙ୍କ ଦ୍ଵାରା ଏହି ଯାତ୍ରା ଆରମ୍ଭ ହୋଇଥିଲା । ପ୍ରଥମେ ଏହା ନୀତି ମୁତାବକ ହେଉଥିଲା । ପରେ ତାଙ୍କର ଦେହାନ୍ତ ପରେ ଏହି ନୀତି ବିରୋଧୀ କାର୍ଯ୍ୟକ୍ରମ କରୁଛି ଇସ୍କନ । ଚଳିତ ବର୍ଷ ତିଥି ବାହାରେ ୬୮ ଟି ଜାଗାରେ ଇସ୍କନ ପକ୍ଷରୁ ରଥଯାତ୍ରା ହୋଇଛି । ଇସ୍କନ ସହ ଏନେଇ ବହୁବାର ଆଲୋଚନା ହୋଇଥିଲା । ଇସ୍କନ ଭାରତ ସହ ୨୧ ଜୁଲାଇ ୨୦୨୧ ନିଷ୍ପତି ନେଇଥିଲେ ଯେ ନୀତି ନିର୍ଦ୍ଧାରିତ ସମୟ ମଧ୍ୟରେ ରଥଯାତ୍ରା ଆୟୋଜିତ ହେଉଛି । ହେଲେ ଦେଶ ବାହାରେ ଏହା ଅଦିନିଆ ଭାବେ ପାଳନ କରାଯାଉଛି ।
ବହୁ ଅନୁଧ୍ୟାନ ପରେ ଭାରତ ଓ ବିଦେଶରେ ଜୁଲାଇ ପର୍ଯ୍ୟନ୍ତ ୪୦ ଟି ଜାଗାରେ ସ୍ନାନଯାତ୍ରା ଆୟୋଜିତ ହୋଇଛି ବୋଲି ଜଣାଯାଇଛି । ଅନେକ ଚିଠି ସ୍ଵତେ ଇସ୍କନ ମୂଳ ସଂସ୍ଥା ନେଉନାହାନ୍ତି । ଏହା ହେଉଛି ପୂର୍ଣ୍ଣାଙ୍ଗ ନିଷ୍ପତି ଯାହାକି ଗତ ୩ ତାରିଖରେ ନିଜର ନିଷ୍ପତି ନେଇଛନ୍ତି ଶ୍ରୀ ମନ୍ଦିର ପରିଚାଳନା କମିଟି । କେବଳ ଜେଷ୍ଟ ପୂର୍ଣ୍ଣିମାରେ ସ୍ନାନଯାତ୍ରା ଏବଂ ନବଦିନାତ୍ମକ ଯାତ୍ରା ସମୟ ମଧ୍ୟରେ ହିଁ ରଥଯାତ୍ରା ହେଉ । ମହାପ୍ରଭୁ ଜଗନ୍ନାଥ ଙ୍କ ନିଜ ଆଦେଶ ଏହା ଯେ କେଉଁ ସମୟରେ କେଉଁ ଯାତ୍ରା ହେବ ତାହା ମହାପ୍ରଭୁ ନିର୍ଧାରଣ କରିଛନ୍ତି । ଆଷାଢ଼ ଶୁକ୍ଳପକ୍ଷ ରେ ରଥ ଯାତ୍ରା କରିବା ପାଇଁ ନିଷ୍ପତି ନେଇଛନ୍ତି । ଏହା ମହାଋଷି ବେଦ ବ୍ୟାସଙ୍କ ଦ୍ଵାରା ଶ୍ରୀମଦ ଭାଗବତରେ ମଧ୍ୟ ଲେଖା ହୋଇଛି । ଏହାକୁ ପାଳନ କରି ଜଗନ୍ନାଥ ସଂସ୍କୃତି ଆଗେଇ ଆସିଛି ।
ଏହାର ବ୍ୟତିକ୍ରମ କରି କିପରି ଏହାର ପ୍ରଚାର ପ୍ରସାର କରାଯାଇପାରିବ । ସ୍କନ୍ଦ ପୁରାଣ ଓ ବ୍ରହ୍ମ ପୁରାଣ ଅନୁଯାୟୀ ନୀତି କାର୍ଯ୍ୟ ଶ୍ରୀ ମନ୍ଦିରରେ ପାଳନ କରାଯାଇଛି । ଏହାକୁ ସମସ୍ତେ ପାଳନ କରିବା ଆବଶ୍ୟକ । ଚତୁର୍ଦ୍ଧାମୂର୍ତ୍ତି ଙ୍କୁ ଚଳନ୍ତି ପ୍ରତିମା ବୋଲି କହିଛି ଇସ୍କନ । ହେଲେ ପ୍ରଭୁ ଜଗନ୍ନାଥ କିପରି ଚଳନ୍ତି ପ୍ରତିମା ବୋଲି ପ୍ରଶ୍ନ କରିଛନ୍ତି ଗଜପତି । ଯାହା ପୁରାଣରେ ତିଥି ବିଷୟରେ ଲେଖା ହୋଇଛି ତାହା ସଂପୂର୍ଣ୍ଣ ବ୍ରହ୍ମାଣ୍ଡ ପାଇଁ ପ୍ରଯୁଜ୍ୟ । ତିଥି ଅନୁଯାୟୀ ଯାତ୍ରା ସବୁ ସମ୍ପୂର୍ଣ୍ଣ କରାଯାଉ । ଏକ ମାସ ମଧ୍ୟରେ ଏହାକୁ ନେଇ ଉତ୍ତମ ନିଷ୍ପତି ନିଅନ୍ତୁ ଇସ୍କନ । ଏଥିପାଇଁ ବିଦେଶର ମନ୍ଦିରମାନଂକ ସହ ଆଲୋଚନା କରନ୍ତୁ ଆଉ ନୀତି ସଂଗତ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଲି କହିଛନ୍ତି ଗଜପତି । ଯଦି ସେମାନେ ନୀତି ଓ ପରମ୍ପରାକୁ ନମନିବେ ତେବେ ଆଇନକୁ ଆଶ୍ରୟ ନେବୁ ବୋଲି ସେ କହିଛନ୍ତି ।
ଅଦିନିଆ ରଥଯାତ୍ରା ପାଇଁ। ଡିସେମ୍ବର ୨, ୨୦୨୪ ରେ ଇସ୍କନ କୁ ଚିଠି ଲେଖିଥିଲେ ଗଜପତି । ସେହିଦିନ ମଧ୍ୟ ଶ୍ରୀନଅର ରେ ବୈଠକ ମଧ୍ୟ ହୋଇଥିଲା । ମାର୍ଚ୍ଚ ୨୦ ତାରିଖରେ ଏହାକୁ ନେଇ ଆଉ ଏକ ବୈଠକ ହୋଇଥିଲା । ଯେଉଁଥିରେ ଇସ୍କନ ପକ୍ଷରୁ ଅଦିନିଆ ରଥଯାତ୍ରା ଓ ସ୍ନାନଯାତ୍ରା ବିଧି ସମାତ୍ତ ବୋଲି ଦସ୍ତାବିଜ୍ ପ୍ରକାଶ କରିବା ପାଇଁ କୁହାଯାଇଥିଲା । ଏବେ ଦସ୍ତାବିଜ୍ ସବୁ ଇସ୍କନ ପକ୍ଷରୁ ଦିଆଯାଇଛି । ଯେଉଁ ଯୁକ୍ତି ସବୁ ଇସ୍କନ ପକ୍ଷରୁ ଦିଆଯାଇଛି ତାହା ଶାସ୍ତ୍ର ବିରୋଧୀ । ଏହାକୁ ବିରୋଧ କରି ଶ୍ରୀ ମନ୍ଦିରର ବିଦ୍ୱାନ ମାନଙ୍କ ଦ୍ଵାରା ଯେଉଁ ସନ୍ଦର୍ଭ ସବୁ କୁ ମେଲ ଓ ଚିଠି ମାଧ୍ୟମରେ ଇସ୍କନ କୁ ପ୍ରେରଣ କରାଯାଇଛି । ବିଧି ଅନୁଯାୟୀ ୧୧ ଜୁନ ରେ ସ୍ନାନ ପୂର୍ଣ୍ଣିମା ଅନୁଷ୍ଠିତ ହୋଇଥିଲା ହେଲେ ଏହାର ପୂର୍ବରୁ ୧୮ ଥର ସ୍ନାନଯାତ୍ରା ଆୟୋଜିତ ହୋଇଛି । ସେହିଭଳି ରଥଯାତ୍ରା ବିଧି ଅନୁଯାୟୀ ୨୭ ଜୁନ ରେ ହେବା କଥା ହେଲେ ଚଳିତବର୍ଷ ଆମେରିକାରେ ମାର୍ଚ୍ଚ ୩୧ ରେ ଓ ରଥଯାତ୍ରା ପୂର୍ବରୁ ୩୫ ଜାଗାରେ ରଥଯାତ୍ରା ପାଳନ କରାଯାଇଛି । ଚଳିତବର୍ଷ ୨୭ ସେପ୍ଟେମ୍ବର ରେ ଆମେରିକାରେ ପୁଣି ରଥଯାତ୍ରା କରିବା ପାଇଁ ନିଷ୍ପତି ନିଆଯାଇଛି । ଏହାକୁ ଶ୍ରୀମନ୍ଦିର ପରିଚାଳନା କମିଟି ବିରୋଧ କରୁଛି । ଶାସ୍ତ୍ର ଓ ପରମ୍ପରାକୁ ଭଙ୍ଗ କରୁଛି ଇସ୍କନ ଏବଂ କୋଟି କୋଟି ଜଗନ୍ନାଥ ପ୍ରେମୀଙ୍କ ଅବେଗକୁ କୁଠାରାଘାତ କରୁଛି ବୋଲି କହିଛନ୍ତି ମୁଖ୍ୟ ପ୍ରଶାସକ ଅରବିନ୍ଦ ପାଢୀ ।
କିଛି ବିଦେଶୀ ନାଗରିକ ଭକ୍ତ ବୋଲି କହି କିଛି ନିର୍ଦ୍ଧିଷ୍ଟ ଉଦ୍ଦେଶ୍ୟ ରଖି ଏପରି କାର୍ଯ୍ୟ କରିଛନ୍ତି । ପରିବର୍ତ୍ତନ କେବଳ ପୂଜାରେ ଦ୍ରବ୍ୟ ବାହାରକୁ ନେଇ କରିହେବ ହେଲେ କୌଣସି ଶାସ୍ତ୍ରୀୟ ସିଦ୍ଧାନ୍ତ ରେ ପରିବର୍ତନ ହେବ ନାହିଁ । ଏହା ଇସ୍କନର କୁବ୍ୟାଖ୍ୟା ବୋଲି କହିଛି ଶ୍ରୀମନ୍ଦିର ପରିଚାଳନା କମିଟି । ପାଣିପାଗ ଓ ଛୁଟି ଦିନରେ ରଥଯାତ୍ରା କରିବା ପାଇଁ ଇସ୍କନ ପକ୍ଷରୁ କୁହାଯାଇଛି । ହେଲେ ଏହାକୁ ବିରୋଧ କରିଛି ଶ୍ରୀମନ୍ଦିର ପରିଚାଳନା କମିଟି । ତିଥି ମୁତାବକ ଏହାକୁ ଅଳ୍ପରେ ପାଳନ କରନ୍ତୁ ହେଲେ ବିଧିକୁ ଖଣ୍ଡନ ନକରନ୍ତୁ । ସନାତନ ଧର୍ମର ପ୍ରଚାର ନାମରେ ନୀତି ବିରୋଧୀ କାର୍ଯ୍ୟ କରି ଅପପ୍ରଚାର କରୁଛି ଇସ୍କନ । ବ୍ୟବସାୟୀକ ଉପାଦାନ ଭାବେ ଜଗନ୍ନାଥଙ୍କୁ ବ୍ୟବହାର କରାଯାଉଛି । ହଜାର ହଜାର ବର୍ଷର ପରମ୍ପରାକୁ କୁଠାରାଘାତ କରି ଜଗନ୍ନାଥ ସଂସ୍କୃତିକୁ ଅପମାନ କରାଯାଉଛି ବୋଲି କହିଛନ୍ତି ପ୍ରଫେସର ହରେକୃଷ୍ଣ ଶତପଥୀ , ସଦସ୍ୟ, ଶ୍ରୀ ମନ୍ଦିର ପରିଚାଳନା କମିଟି ।
