ନୂଆଦିଲ୍ଲୀ: ଇରାନ-ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ଯୋଗୁଁ ଭାରତୀୟଙ୍କ ସମସ୍ୟା ହୋଇପାରେ । ଏଥିପାଇଁ ଇଣ୍ଡିଗୋ ଏବଂ ଏୟାର ଇଣ୍ଡିଆ ଯାତ୍ରୀଙ୍କ ପାଇଁ ଆଡଭାଇଜରୀ ଜାରି କରିଛି । ଯାତ୍ରା କରୁଥିବା ଲୋକ ବିମାନର ଷ୍ଟାଟସ ଚେକ୍ କରିବାକୁ ଅପିଲ କରାଯାଇଛି । ଇଣ୍ଡିଗୋ ତରଫରୁ କୁହାଯାଇଛି କି, ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧ ଯୋଗୁଁ ଇରାନ ଏୟାରସ୍ପେସ ଉପଯୋଗ କରାଯାଇପାରୁନାହିଁ । ତେଣୁ କିଛି ବିମାନର ରୁଟ୍ ପରିବର୍ତ୍ତନ କରାଯାଇଛି, ଆଉ କିଛି ବିମାନ ବିଳମ୍ବରେ ଚାଲୁଛି ।
ଇଣ୍ଡିଗୋ ତରଫରୁ ବିଦେଶ ଯାଉଥିବା ଯାତ୍ରୀଙ୍କୁ ଅପିଲ କରାଯାଇଛି ଯେ, ଘରୁ ବାହାରିବା ପୂର୍ବରୁ ନିଜର ଫ୍ଲାଇଟ ଷ୍ଟାଟସ ଚେକ୍ କରନ୍ତୁ । ତାଜା ଅପଡେଟ ଚେକ୍ କରି ଘରୁ ବାହାରନ୍ତୁ । ଆଡଭାଇଜରୀରେ ଅନୁସାରେ, ଅନେକ ବିମାନ ଯାତ୍ରାରେ ସମୟ ଲାଗିପାରେ ।
ଇଣ୍ଡିଗୋ ତରଫରୁ X ରେ ଲେଖାଯାଇଛି, ଇରାନ ଏବଂ ଆଖପାଖରେ ଏୟାରସ୍ପେସ ଏବେ ଉପଲବ୍ଧ ନାହିଁ । କିଛି ବିମାନର ରୁଟ୍ ପରିବର୍ତ୍ତନ କରାଯାଇଛି, ଏଥିପାଇଁ ସମୟ ମଧ୍ୟ ଅଧିକ ହୋଇପାରେ, ଆଉ କିଛି ବିମାନ ବିଳମ୍ବରେ ଯାତ୍ରା କରିପାରିବେ । ଏୟାରପୋର୍ଟକୁ ବାହାରିବା ପୂର୍ବରୁ ଆମ ୱେବସାଇଟ କିମ୍ବା ମୋବାଇଲ ଆପରେ ନିଜର ଫ୍ଲାଇଟ ଷ୍ଟାଟସ ଚେକ୍ କରିବାକୁ ପରାମର୍ଶ । ଆମ ଟିମ୍ ସମସ୍ତ ପ୍ରକାରର ସହାୟତା ପ୍ରଦାନ କରିବାକୁ ଉପଲବ୍ଧ । ଆପଣଙ୍କ ଧୈର୍ଯ୍ୟ ଏବଂ ସୁରକ୍ଷିତ ଯାତ୍ରା ପାଇଁ ଆମେ ସୁନିଶ୍ଚିତ ଚେଷ୍ଟା କରୁଛୁ । ଆପଣଙ୍କୁ କୌଣସି ପ୍ରକାରର ସମସ୍ୟା ନ ହେଉ ।
ଏୟାର ଇଣ୍ଡିଆ ପ୍ରଥମ ଦିନରେ ଆଡଭାଇଜରୀ ଜାରି କରି କହିଥିଲା, ଇସ୍ରାଏଲ-ଇରାନ ଯୁଦ୍ଧ ଯୋଗୁଁ ୧୬ଟି ବିମାନ ପ୍ରଭାବିତ ହୋଇଥିଲା । ଏହିସବୁ ବିମାନର ରୁଟ୍ ପରିବର୍ତ୍ତନ କରାଯାଇଛି ଏବଂ ଆଉ କିଛି ଭାରତକୁ ଫେରିଯାଇଛି ।
