ଢେଙ୍କାନାଳ: ନବନିର୍ମାଣ କୃଷକ ସଂଗଠନ ପକ୍ଷରୁ ଜୟ ଯବାନ ଜୟ କିଷାନ ମହା ସମାବେଶ ଜିଲ୍ଲା ପ୍ରଭାରୀ ଅଶ୍ଵିନୀ କୁମାର ଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଅଛି l ଢେଙ୍କାନାଳ ସଦର ବ୍ଲକ ବାରଦା ଛକ ମଙ୍ଗଳା ମନ୍ଦିର ଠାରୁ ଏକ ବିଶାଳ ରାଲି ବାହାରି ଗେଙ୍ଗୁଟିଆ ଗ୍ରାମ ଶନି ମନ୍ଦିର ପ୍ରାଙ୍ଗଣରେ ନବନିର୍ମାଣ କୃଷକ ସଂଗଠନର ସଦସ୍ୟ ମାନେ ଏକତ୍ରିତ ହୋଇଥିଲେ l ଆଜି ସୀମାରେ ଯବାନ ମାନେ ଯୁଦ୍ଧ କରୁଥିବା ବେଳେ ଚାଷୀ ମାନେ ମଧ୍ୟ ଜମିରେ ଯୁଦ୍ଧ କରି ସାରା ଦେଶକୁ ଖାଦ୍ୟ ଯୋଗାଉଛନ୍ତି l କିନ୍ତୁ ସରକାର ଯବାନ ମାନଙ୍କ ପ୍ରତି ଯେତିକି ସମ୍ବେଦନଶୀଳ, ଚାଷୀଙ୍କ ପ୍ରତି ସେତିକି ସମ୍ବେଦନଶୀଳ ହେବା ଉଚିତ କହି ନିଜ ବକ୍ତବ୍ୟ ରଖିଥିଲେ ଚାଷୀ ନେତା ତଥା ନବନିର୍ମାଣ କୃଷକ ସଂଗଠନର ପ୍ରତିଷ୍ଠାତା ଏବଂ ଆଜି ସମାବେଶର ମୁଖ୍ୟ ଅତିଥି ଅକ୍ଷୟ କୁମାର । ତାଙ୍କ ସହ ରାଜ୍ୟ ସଂଯୋଜକ ଶେଷଦେବ ନନ୍ଦ କହିଥିଲେ କେବେ ମିଳିବ ଚାଷୀଙ୍କୁ ସୁରକ୍ଷା ଭତ୍ତା ଆଉ କେବେ କରିବେ ବୃଦ୍ଧ ବୃଦ୍ଧା ଙ୍କ ବାର୍ଦ୍ଧକ୍ୟ ଭତ୍ତା ୫୦୦୦ ଟଙ୍କା l
ଚାଷୀ ମାନଙ୍କୁ ସଂଗଠିତ ହେବାପାଇଁ ଆହ୍ୱାନ ଦେଇଥିଲେ l ସରକାର ନିର୍ବାଚନ ସମୟରେ ଦେଇଥିବା ପ୍ରତିଶୃତି କୁ କାର୍ଯ୍ୟକାରୀ କରି ପାରିଲେ ନାହିଁ କହି ସରକାର ଙ୍କ ଉପରେ ବର୍ଷିଥିଲେ ଚାଷୀ ନେତା ଅକ୍ଷୟ କୁମାର l ଅନ୍ୟ ପକ୍ଷରେ ଶେଷଦେବ ନନ୍ଦ ମଧ୍ୟ ବହୁ ବର୍ଷିଥିଲେ କହିଥିଲେ ସରକାର ପୁରୁଣା ବହି ରେ ନୂଆ ମଲାଟ ଲଗେଇବା ବ୍ୟବସ୍ଥା କରୁଛନ୍ତି କିନ୍ତୁ ଚାଷୀ କୁଳର ଉଦ୍ଧାର ପାଇଁ ସ୍ଥାୟୀ ପ୍ରତିକାର କରିବା ପାଇଁ ସରକାର ସକ୍ଷମ ନୁହଁନ୍ତି l ବହୁତ ନେତା ମଧ୍ୟ ନିଜର ଅସନ୍ତୋଷ ଝାଡିଥିଲେ।
