ବାଲେଶ୍ଵର ( ଭିଓଭି ) ୧୮/୬ : – ଆଜି ବାଲେଶ୍ଵର ଜିଲ୍ଲାର ସିମୁଳିଆ ବ୍ଲକରେ ଝାଡାବାନ୍ତି ରୋଗରେ ୨୫ ରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି । ଜିଲ୍ଲା ପ୍ରଶାସନ ପକ୍ଷରୁ ସୋମବାର ଦିନ ଏକ ବୈଠକରେ ଜଳ ଉତ୍ସ ଗୁଡିକରେ ବ୍ଲିଚିଂ ପକାଇ ପ୍ରଦ୍ୟୁଷଣ ମୁକ୍ତ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଖାଦ୍ୟ ସୁରକ୍ଷା ବିଭାଗ ପକ୍ଷରୁ ସହରର ବିଭିନ୍ନ ଗୁପ୍ ଚୁପ୍ , ଦହିବରା ଷ୍ଟଲ୍ , ମୁଖ୍ୟ ଚିକିତ୍ସାଳୟର ଆହାର କେନ୍ଦ୍ର ସହିତ ଘରୋଇ ୱ।ଟର ବଟଲିଂ ପ୍ଲାଣ୍ଟ ରେ ଚଢ଼ାଉ କରାଯାଇ ଜଳ ନମୂନା ସଂଗ୍ରହ କରାଯାଇଛି ।
ପ୍ରକାଶ ଥାଉକି ବାଲେଶ୍ଵର ସହରରେ ଅଧିକାଂଶ ସ୍ଥାନରେ ପାଇପ୍ ଫାଟି ଯାଇଥିବାରୁ ଡ୍ରେନ ପାଣି ମିଶିଯାଇ ପାଣି ଦୂଷିତ ହେଉଛି । ଫଳରେ ଲୋକମାନେ କିଣା ପାଣି ପିଉଛନ୍ତି । ସହରର ସମସ୍ତ ୱ।ର୍ଡ ରେ ପାଣି ସମସ୍ୟା ଦେଖାଦେଇଛି । ପ୍ରଶାସନ ପକ୍ଷରୁ ଖୁବଶିଘ୍ର ଯଥେଷ୍ଟ ପଦକ୍ଷେପ ନିଆନଗଲେ ହଇଜା ବ୍ୟାପି ବାଲେଶ୍ଵର ପରିସ୍ଥିତି ଭୟାବହ ହେବ ବୋଲି ସାଧାରଣରେ ଭୟ ସୃଷ୍ଟି ହେଉଛି ।
