କଟକ (ଭିଓଭି): ରେଭେନ୍ସା ଵିଶ୍ଵବିଦ୍ୟାଳୟର ଶିକ୍ଷା ଵିଭାଗ ଓ ଭାରତୀୟ ପାରମ୍ପରିକ ଵିଦ୍ୟା ଜ୍ଞାନଵିଜ୍ଞାନ ପରିଷଦ, କାନପୁରର ମିଳିତ ଆନୁକୂଲ୍ୟରେ ରେଭେନ୍ସା ପରିସରସ୍ଥ ସେଭେନ୍ ପିଲାରରେ ଅନୁଷ୍ଠିତ ୟୁଥ୍ କନକ୍ଲେଭର କର୍ମଶାଳାରେ ଵିଶ୍ଵବିଦ୍ୟାଳୟ, ମହାବିଦ୍ୟାଳୟ, ବିଦ୍ୟାଳୟସ୍ତରୀୟ ପାରମ୍ପରିକ ପ୍ରଦର୍ଶନୀରେ ମିଶ୍ରଶାଳ ଅନୁଷ୍ଠିତ ହୋଇଯାଇଛି। ଶତାଧିକ ପାରମ୍ପାରିକ ଲୋକ ଉପକରଣ ପ୍ରଦର୍ଶନ କରି ଵେଶ ଚର୍ଚ୍ଚିତ ଓ ପ୍ରଶଂସିତ ହୋଇଥିଲେ। ଵିଶେଷତଃ ଉତ୍ସଵର ମୁଖ୍ୟଵକ୍ତା ଆଇଆଇଟି କାନପୁରର ଏରୋସ୍ପେସ୍ ଇଞ୍ଜିନିୟରିର ବରିଷ୍ଠ ପ୍ରଫେସର୍ ତଥା କଲିକତାସ୍ଥିତ ଏନଆଇଟି ଟିର ନିର୍ଦ୍ଦେଶକ ପ୍ରଫେସର୍ ଦେଵୀପ୍ରସାଦ ମିଶ୍ର ଵିଦ୍ୟା ବିଜ୍ଞାନ ପରିଷଦ ଓ ବିଶ୍ବଵିଦ୍ୟାଳୟର ଶିକ୍ଷା ଵିଭାଗ ତରଫରୁ ମିଶ୍ରଶାଳର ପ୍ରତିଷ୍ଠାତା ଡକ୍ଟର ଅଜୟ କୁମାର ମିଶ୍ରଙ୍କୁ ସମ୍ଵର୍ଦ୍ଧିତ କରିଥିଲେ।
ମିଶ୍ରଶାଳର ଶତାଧିକ ଉପକରଣ ଦେଖି, ଶିକ୍ଷା ଵିଭାଗ ମୁଖ୍ୟ ପ୍ରଫେସର ଶରତ କୁମାର ରାଉତ, ପ୍ରଫେସର ସୁଦର୍ଶନ ମିଶ୍ର, ସଂଯୋଜକ ପ୍ରଫେସର ବିକଳିଚରଣ ଦାସ ଓ ସ୍ନାତକୋତ୍ତର ତଥା ସ୍ନାତକ ଶ୍ରେଣୀର ସମସ୍ତ ଅଧ୍ୟାପକ, ଅଧ୍ୟାପିକା ଓ ଶିକ୍ଷାର୍ଥୀମାନେ ପରିଦର୍ଶନ କରି ଉତ୍ସାହିତ ହୋଇଥିଲେ । ଜାତୀୟ ଶିକ୍ଷାନୀତିର ଆଭିମୁଖ୍ୟକୁ ମିଶ୍ରଶାଳ ସଫଳ କରୁଛି ଵୋଲି ସମସ୍ତେ ମତଵ୍ୟକ୍ତ କରିଥିଲେ।
