ସିକନ୍ଦରାବାଦ: ନରେନ୍ଦ୍ର ମୋଦୀ ତେଲେଙ୍ଗାନା ଓ କର୍ଣ୍ଣାଟକ ଗସ୍ତରେ ଯାଇଥିଲେ । ଏହି ଅବସରରେ ତେଲେଙ୍ଗାନାକୁ ୯ ହଜାର ୩ ୭୭ କୋଟି ଟଙ୍କାର ପ୍ରକଳ୍ପ ଭେଟି ଦେଇଛନ୍ତି । ଗସ୍ତ ଅବସରରେ ସିକନ୍ଦରାବାଦଠାରେ ଆୟୋଜିତ ଜନସଭାକୁ ସମ୍ୱୋଧିତ କରି ଦେଶବାସୀଙ୍କୁ ନୂଆ ସଂକଳ୍ପ ନେବାକୁ ଆହ୍ୱାନ ଦେଇଛନ୍ତି । ଏହି ଭାଷଣରେ ସେ ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧର ପ୍ରଭାବକୁ ସମ୍ବୋଧିତ କରି ଅନେକ ଗୁରୁତ୍ୱପୂର୍ଣ୍ଣ ମନ୍ତବ୍ୟ ଦେଇଥିଲେ। ସେ ୟୁକ୍ରେନ ଯୁଦ୍ଧର ମଧ୍ୟ ଉଲ୍ଲେଖ କରିଥିଲେ, ଏହି ଯୁଦ୍ଧଗୁଡ଼ିକ ଭାରତ ଉପରେ କି ପ୍ରଭାବ ପକାଇଛି ତାହା ଉପରେ ଆଲୋକପାତ କରିଥିଲେ। ବିଶ୍ୱରେ ଏବେ ଅନିଶ୍ଚିତତା ଓ ସଂକଟ ଜାରି ରହିଛି । ଏପରି ସମୟରେ ଆମକ ଦେଶ ପାଇଁ ଦେଶର ହିତ ପାଇଁ କିଛି କାମ ହାତକୁ ନେବା । ପେଟ୍ରୋଲ ଡିଜେଲ ବ୍ୟବହାର କମ କରିବା ସହ ବର୍ଷେ ଯାଏଁ ସୁନା ନ କିଣିବା ପାଇଁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ।
ପ୍ରଧାନମନ୍ତ୍ରୀ କହିଛନ୍ତି ଯେ ଗତ ଦୁଇ ମାସ ଧରି ଚାଲିଥିବା ମଧ୍ୟପ୍ରାଚ୍ୟ ଯୁଦ୍ଧର ଏକ ଗୁରୁତ୍ୱପୂର୍ଣ୍ଣ ପ୍ରଭାବ ପଡ଼ିଛି। ଏହା ଭାରତ ଏବଂ ବିଶ୍ୱକୁ ପ୍ରଭାବିତ କରିଛି। ପ୍ରଧାନମନ୍ତ୍ରୀ ମୋଦୀ ଏହି ସମୟରେ ବିଦେଶୀ ମୁଦ୍ରା ସଞ୍ଚୟ କରିବା ଉପରେ ମଧ୍ୟ ବିଶେଷ ଗୁରୁତ୍ୱ ଦେଇଛନ୍ତି। ସେ କହିଥିଲେ ଯେ ସାରା ବିଶ୍ୱରେ ପେଟ୍ରୋଲ ଏବଂ ଡିଜେଲ ମହଙ୍ଗା ହୋଇଯାଇଛି। ଇନ୍ଧନ ସଂରକ୍ଷଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବୋଲି କହିଛନ୍ତି । ଇଲେକ୍ଟ୍ରେ ଭେହିକିଲ ବ୍ୟବାହର କରିବାକୁ ଦେଶବାସୀଙ୍କୁ ଅପିଲ୍ କରିଛନ୍ତି ମୋଦୀ। ସେହିପରି ରାସାୟନିକ ସାର ପ୍ରୟୋଗ କମ କରି ଜୈବିକ ସାର ଜମିରେ ପ୍ରୟୋଗ ଉପରେ ମଧ୍ୟ ଆଲୋକପାତ କରିଛନ୍ତି ।
