ନୂଆଦିଲ୍ଲୀ: ନ୍ୟାସନାଲ ହାଇେଓ୍ଵରେ ଅତିକ୍ରମ କରିବା ସମୟରେ ଗାଡ଼ି ଚାଳକମାନଙ୍କୁ ଟୋଲ୍ ଟାକ୍ସ ଦେବାକୁ ପଡ଼ିଥାଏ । ଟୋଲ ଟାକ୍ସକୁ ନେଇ ଚିନ୍ତାରେ ଅଛନ୍ତି କି ? ତେବେ ଆଉ ବେଶି କିଛି ଭାବନ୍ତୁ ନାହିଁ । ବହୁ ଦିନ ଧରି ଆଲୋଚନା ହେଉଛି ଯେ ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ସାରା ଦେଶରେ ଏକ ନୂତନ ଟୋଲ୍ ନୀତି ଆଣିବାକୁ ଯୋଜନା କରାଯାଉଛି I ଦେଶବ୍ୟାପୀ ଟୋଲ୍ ପ୍ଲାଜାରେ ଯାତ୍ରାକୁ ସହଜ କରିବା ପାଇଁ ଅନେକ ନୂତନ ସୁବିଧା ଯୋଗାଇ ଦିଆଯିବ । ଏହି ସମୟରେ, ସମସ୍ତ କଳ୍ପନାଜଳ୍ପନାର ଅନ୍ତ ଘଟାଇ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ ଆଜି ସୋସିଆଲ ନେଟୱାର୍କିଂ ସାଇଟ୍ ‘X’ ମାଧ୍ଯମରେ FASTag ବାର୍ଷିକ ପାସ୍ ଜାରି କରିବାର ଘୋଷଣା କରିଛନ୍ତି । ତେବେ ଆସନ୍ତୁ ଜାଣିବା ଏହି ପାସ୍ କେବେ ? କିପରି ପ୍ରଦାନ କରାଯିବ ଏବଂ ଏହାକୁ ପାଇବା ପାଇଁ ବ୍ୟବହାରକାରୀମାନଙ୍କୁ କ’ଣ କରିବାକୁ ପଡିବ ।
ନୀତିନ ଗଡକରୀ ଆଜି ସୋସିଆଲ ମିଡିଆ ମାଧ୍ଯମରେ ସାରା ଦେଶରେ ବାର୍ଷିକ FASTag ପାସ୍ ଜାରି କରିବାର ଘୋଷଣା କରିଛନ୍ତି । ଏହି ବାର୍ଷିକ ପାସ୍ ପାଇଁ ବ୍ୟବହାରକାରୀଙ୍କୁ ବର୍ଷକୁ କେବଳ ଥରେ ୩,୦୦୦ ଟଙ୍କା ଖର୍ଚ୍ଚ କରିବାକୁ ପଡିବ । ପରେ ଏହି ପାସ୍ ବ୍ୟବହାରକାରୀଙ୍କୁ ପ୍ରଦାନ କରାଯିବ । ସରକାର କହିଛନ୍ତି ଯେ, ଏହି ପାସ୍ ଆକ୍ଟିଭ୍ ହେବା ପରେ, ୧ ବର୍ଷ କିମ୍ବା ୨୦୦ ଥର ଯାତ୍ରା ପାଇଁ ବୈଧ ହେବ । ଅର୍ଥାତ୍, ଯଦି ସମୟ ପୂର୍ବରୁ ୨୦୦ ଥର ଯାତ୍ରା ସମାପ୍ତ ହୁଏ, ତେବେ ବ୍ୟବହାରକାରୀଙ୍କୁ ପୁଣି ଥରେ ପାସ୍ ନୂଆ କରିବାକୁ ପଡିବ ।
ତେବେ ଏହି ବାର୍ଷିକ ପାସ୍ ଆସନ୍ତା ୧୫ ଅଗଷ୍ଟରୁ ଉପଲବ୍ଧ ହେବ । ୩,୦୦୦ ଟଙ୍କା ମୂଲ୍ୟର ଏକ FASTag ଆଧାରିତ ବାର୍ଷିକ ପାସ୍ ପ୍ରଚଳନ କରାଯାଉଛି । ଏହି ପାସ୍ ସକ୍ରିୟ ହେବାର ତାରିଖରୁ ଗୋଟିଏ ବର୍ଷ ପାଇଁ କିମ୍ବା୨୦୦ ଥର ଯାତ୍ରା ପାଇଁ ଉପଲବ୍ଧ ହେବ । ଯଦି ଆପଣ ଗୋଟିଏ ବର୍ଷ ମଧ୍ୟରେ ୨୦୦ ଥର ଯାତ୍ରା କରିଦେଉଛନ୍ତି ତେବେ ଆପଣଙ୍କୁ ଆଉ ଥରେ ନୂଆ ପାସ୍ ବନାଇବାକୁ ପଡ଼ିବ । ତେବେ ଆପଣଙ୍କୁ ଜଣାଇ ଦେଉଛୁ ଯେ, ଏହି ପାସ୍ ବିଶେଷ ଭାବରେ କେବଳ ଅଣ-ବାଣିଜ୍ୟିକ ବ୍ୟକ୍ତିଗତ ଯାନ (କାର, ଜିପ୍, ଭ୍ୟାନ ଇତ୍ୟାଦି) ପାଇଁ କରାଯାଇଛି । ଏହା ସାରା ଦେଶରେ ଜାତୀୟ ରାଜପଥରେ ଯାନବାହନ ପାଇଁ ପ୍ରଯୁଜ୍ୟ ହେବ । ଏଥିରେ ବାଣିଜ୍ୟିକ ଯାନ ଅନ୍ତର୍ଭୁକ୍ତ ନୁହେଁ I
ଏହି ବାର୍ଷିକ ପାସ୍ ସମସ୍ତ ଉପଭୋକ୍ତାଙ୍କ ପାଇଁ ସହଜରେ ଉପଲବ୍ଧ କରିବା ପାଇଁ ସରକାର ଦ୍ରୁତ ଗତିରେ କାମ କରୁଛନ୍ତି । ଏହି ପାସ୍ ଆକ୍ଟିଭ୍ କିମ୍ବା ନବୀକରଣ କରିବା ପାଇଁ, ହାଇୱେ ଟ୍ରାଭେଲ୍ ଆପ୍ ଏବଂ NHAI / MoRTH ୱେବସାଇଟ୍ରେ ଏକ ପୃଥକ ଲିଙ୍କ୍ ଖୁବ୍ ଶୀଘ୍ର ଉପଲବ୍ଧ କରାଯିବ । ଯାହା ମାଧ୍ଯମରେ ଉପଭୋକ୍ତାମାନେ ଏହି ଲିଙ୍କ୍ ପରିଦର୍ଶନ କରିପାରିବେ ଏବଂ ବାର୍ଷିକ ପାସ୍ ଦାଖଲ କରିପାରିବେ । ଏହି ବାର୍ଷିକ ଫାଷ୍ଟାଗ୍ ପାସର ଅନେକ ଲାଭ ହେବ ବୋଲି ଆଶା କରାଯାଉଛି । ଏହା ବ୍ୟବହାରକାରୀମାନଙ୍କୁ ବାରମ୍ଵାର ଫାଷ୍ଟାଗ୍ ରିଚାର୍ଜ କରିବାର ଅସୁବିଧାରୁ ମଧ୍ଯ ମୁକ୍ତି ଦେବ । FASTag ବାର୍ଷିକ ପାସ୍ ଜାରି ହେବା ପରେ, ଜାତୀୟ ରାଜପଥରେ ଟୋଲ୍ ପ୍ଲାଜାରେ ଅପେକ୍ଷା ସମୟ ମଧ୍ୟ ହ୍ରାସ ପାଇବ । ଏହା ଟୋଲ୍ ପ୍ଲାଜାରେ ଭିଡ଼ ହ୍ରାସ କରିବା ଏବଂ ବିବାଦ ଦୂର କରିବାରେ ମଧ୍ୟ ସାହାଯ୍ୟ କରିବ ବୋଲି ଆଶା କରାଯାଉଛି ।
