ଭୁବନେଶ୍ୱର: ଓଡ଼ିଶାରେ ନୂତନ ଆଞ୍ଚଳିକ ଦଳ ଭାବେ ଓଡ଼ିଶା ଜନତା କଂଗ୍ରେସ ଉଭା ହୋଇଛି । ମହମ୍ମଦ ମୋକିମ୍ କଂଗ୍ରେସରୁ ବହିଷ୍କାର ହେବା ପରେ ଏକ ନୂତନ ଦଳ ଗଠନ କରି ଓଡ଼ିଶା ଜନତା କଂଗ୍ରେସ ନାମରେ ଏକ ନୂତନ ଦଳ ସୃଷ୍ଟି କରିଛନ୍ତି । ଆଜି ପ୍ରଦର୍ଶନୀ ପଡ଼ିଆରେ ବଡ଼ ସମାବେଶ କରିବ ବୋଲି ସୂଚନା ରହିଛି । ତେବେ ଅନେକ କଂଗ୍ରେସ ଓ ବିଜେଡ଼ି କର୍ମୀ ସମ୍ପର୍କରେ ଅଛନ୍ତି ବୋଲି ମୋକିମ୍ କହିଛନ୍ତି ।
ଜେନ୍ଜି ଏହି ଦଳ ପ୍ରତି ଅଧିକ ଆକୃଷ୍ଟ ହେବେ ବୋଲି ଦଳର ପ୍ରତିଷ୍ଠାତା ମୋକିମ୍ କହିଥିବାବେଳେ କଂଗ୍ରେସ ଓ ବିଜେଡ଼ିର କିଏ କିଏ ଏହି ଦଳରେ ସାମିଲ୍ ହେବେ ସେନେଇ ମଧ୍ୟ ଆକଳନ କରାଯାଉଛି । ତେବେ ରାଜ୍ୟରେ ନୂତନ ଆଞ୍ଚଳିକ ଦଳକୁ ନେଇ ଅନେକ ସମ୍ଭାବନା ରହିଛି ।
