ନୂଆଦିଲ୍ଲୀ: ପାକିସ୍ତାନରେ ବଡ଼ ଧରଣର ରେଳ ଦୁର୍ଘଟଣା । ପେଶାୱରରୁ କ୍ୱେଟା ଯାଉଥିବା ଜାଫର ଏକ୍ସପ୍ରେସ ବିସ୍ଫୋରଣ ପରେ ଲାଇନଚ୍ୟୁତ ହୋଇଛି । ଟ୍ରେନର ୪ଟି ବଗି ଲାଇନଚ୍ୟୁତ ହୋଇଛି । ଦୁର୍ଘଟଣା ପାକିସ୍ତାନର ଜାକୋବାବାଦ ନିକଟରେ ଘଟିଛି । ତେବେ ଘଟଣାରେ ଏପର୍ଯ୍ୟନ୍ତ କୌଣସି ମୃତାହତଙ୍କ ସୂଚନା ନାହିଁ ।
କ୍ୱେଟାରୁ ପେଶାୱର ଯାଉଥିବା ଜାଫର ଏକ୍ସପ୍ରେସ ରାସ୍ତାରେ ବିସ୍ଫୋରଣ ହୋଇଥିଲା। ଟ୍ରେନର ଗତି କମ୍ ଥିବା ବେଳେ ଏକାଧିକ ଥର ବିସ୍ଫୋରଣ କରିବାରୁ ଟ୍ରେନଟି ଲାଇନଚ୍ୟୁତ ହୋଇଥିଲା । ଟ୍ରେନରେ ଅନେକ ସାଧାରଣ ନାଗରିକ ଥିଲେ । ସ୍ଥାନୀୟ ପ୍ରଶାସନ ଏବଂ ଅଧିକାରୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।
ଘଟଣାରେ ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି । କେହି ମଧ୍ୟ ଗୁରୁତର ଆହତ ହୋଇନାହାନ୍ତି । ବିକଳ୍ପ ବ୍ୟବସ୍ଥା କରାଯାଇ ଯାତ୍ରୀଙ୍କୁ ନିଜ ନିଜ ଗନ୍ତବ୍ୟ ସ୍ଥଳକୁ ପଠାଯାଉଛି । ତେବେ କ’ଣ ପାଇଁ ବିସ୍ଫୋରଣ ହୋଇଛି, ତା’ର କାରଣ ଖୋଜାଚାଲିଛି ।
ତେବେ କିଛିଦିନ ପୂର୍ବରୁ ଜାଫର ଏକ୍ସପ୍ରେସକୁ ବଲୁଚିସ୍ତାନ ଆର୍ମି ଅପହରଣ କରି ନେଇଥିଲା । ବଲୁଚ୍ ଲିବରେସନ୍ ଆର୍ମି ଦ୍ୱାରା ପେଶାୱର ଯାଉଥିବା ଜାଫର ଏକ୍ସପ୍ରେସକୁ ଅପହରଣ କରାଯାଇଥିଲା । ଟ୍ରେନ ଅପହରଣରେ ୨୧୪ ଜଣ ଯାତ୍ରୀଙ୍କୁ ବନ୍ଧକ ରଖାଯାଇଥିଲା । ଟ୍ରେନରେ ବହୁ ସଂଖ୍ୟକ ପାକିସ୍ତାନୀ ସେନା ସୈନିକ ଥିଲେ ।
