ଭୁବନେଶ୍ୱର : ଆଗୁଆ ହେବ ପଞ୍ଚାୟତ ନିର୍ବାଚନ । ଆଗୁଆ ପଞ୍ଚାୟତ ନିର୍ବାଚନ ନେଇ ବଡ଼ ସୂଚନା ଦେଉଇଛନ୍ତି ରାଜ୍ୟ ବିଜେପି ସଭାପତି । ଜନଗଣନା ପାଇଁ ଆଗୁଆ ନିର୍ବାଚନ ହେବା ସମ୍ଭାବନା ରହିିଥିବା କହିଛନ୍ତି ମନମୋହନ ସାମଲ । ଜନଗଣନା ପାଇଁ ନିର୍ଦ୍ଧାରିତ ସମୟର ୨-୩ ମାସ ପୂର୍ବରୁ ପଞ୍ଚାୟତ ନିର୍ବାଚନ ହେବା ନେଇ ସେ ସୂଚନା ଦେଇଛନ୍ତି । ଏଥିପାଇଁ ୬ମାସ ମଧ୍ୟରେ ଅଧୁରା କାମ ଶେଷ କରିବାକୁ ସେ ବିଜେପିର ପଞ୍ଚାୟତ ପ୍ରତିନିଧିଙ୍କୁ ଟାସ୍କ ଦେଇଛନ୍ତି ।ପୂର୍ବରୁ ରାଜ୍ଯ ନିର୍ବାଚନ କମିସନ ପଞ୍ଚାୟତ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି । ଉତ୍ତରାଞ୍ଚଳ, କେନ୍ଦ୍ରାଞ୍ଚଳ ପରେ ଦକ୍ଷିଣାଞ୍ଚଳ ଆରଡିସିଙ୍କ ଅଧିନ ୮ ଟି ଜିଲ୍ଲାର ଜିଲ୍ଲାପାଳଙ୍କୁ ନେଇ ରାଜ୍ୟ ନିର୍ବାଚନ କମିଶନର ପ୍ରାକ୍ ପ୍ରସ୍ତୁତି ବୈଠକ କରିଛନ୍ତି ।
ସମ୍ୱେଦନଶୀଳ ଓ ଅତି ସମ୍ୱେଦନଶୀଳ ବୁଥ୍ ଚିହ୍ନଟ କରି ସିସିଟିଭି ଲଗାଇବା ଉପରେ ଗୁରୁତ୍ୱ ଦିଆଯାଇଛି ।
ପଞ୍ଚାୟତ ନିର୍ବାଚନ: କ’ଣ ପ୍ରସ୍ତୁତି ଦରକାର?
ଓଡ଼ିଶା ସରକାର ଏବେ ପଞ୍ଚାୟତଗୁଡ଼ିକର ପୁନର୍ଗଠନ (Reorganization) ପାଇଁ ପ୍ରକ୍ରିୟା ଆରମ୍ଭ କରିଛନ୍ତି । ଯଦିଓ ମୂଳ ନିର୍ବାଚନ ୨୦୨୭ ପ୍ରାରମ୍ଭରେ ହେବାର ଅଛି, କିନ୍ତୁ ଆଗୁଆ ପ୍ରସ୍ତୁତି ପାଇଁ ରାଜ୍ୟକୁ ଏହି ପଦକ୍ଷେପ ନେବାକୁ ହେବ:
୧. ପଞ୍ଚାୟତ ଓ ୱାର୍ଡର ସୀମା ନିର୍ଦ୍ଧାରଣନୂଆ ସହରାଞ୍ଚଳ (NAC/Municipality) ଗଠନ ହେବା ଫଳରେ ଅନେକ ପଞ୍ଚାୟତର ସୀମା ବଦଳିଛି । ତେଣୁ ଗାଁ ଓ ୱାର୍ଡଗୁଡ଼ିକର ସୀମା ପୁନଃ-ନିର୍ଦ୍ଧାରଣ (Delimitation) କରିବା ପ୍ରଥମ କାମ।
୨. ନୂଆ ଭୋଟର ତାଲିକା ପ୍ରସ୍ତୁତିରାଜ୍ୟ ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁସାରେ, ମାର୍ଚ୍ଚ ୨୦୨୬ ସୁଦ୍ଧା ଘରକୁ ଘର ବୁଲି ଭୋଟର ସର୍ଭେ କରାଯିବ।ଯେଉଁମାନଙ୍କର ୧୮ ବର୍ଷ ହୋଇଛି, ସେମାନଙ୍କ ନାମ ଯୋଡ଼ିବା ଏବଂ ଭୁଲ୍ ତଥ୍ୟ ସଂଶୋଧନ କରିବା ଜରୁରୀ।
୩. ପୋଲିଂ ବୁଥ୍ ବ୍ୟବସ୍ଥାଲୋକମାନେ ଯେପରି ସହଜରେ ଭୋଟ୍ ଦେଇପାରିବେ, ସେଥିପାଇଁ ଗାଁ ପାଖରେ ନୂଆ ବୁଥ୍ ତିଆରି କରିବା ଏବଂ ପୁରୁଣା ବୁଥ୍ର ସ୍ଥିତି ଯାଞ୍ଚ କରିବା ପାଇଁ ଜିଲ୍ଲାପାଳମାନଙ୍କୁ ଦାୟିତ୍ୱ ଦିଆଯାଇଛି।
୪. ପ୍ରଶାସନିକ ତାଲିମନିର୍ବାଚନ ପରିଚାଳନା ପାଇଁ ବ୍ଲକସ୍ତରୀୟ ଅଧିକାରୀଙ୍କୁ ନୂଆ ନିୟମ ବିଷୟରେ ତାଲିମ ଦେବା ଆବଶ୍ୟକ। ବିଶେଷ କରି ପ୍ରାର୍ଥୀଙ୍କ ସମ୍ପତ୍ତି ଓ ଅପରାଧିକ ରେକର୍ଡ ଯାଞ୍ଚ ପାଇଁ କଡ଼ା ନିୟମ କରାଯାଇଛି।
