କଟକ, ଆସନ୍ତା ଜୁନ୍ ମାସ ୨୧ ତାରିଖରେ ଅନ୍ତଃରାଷ୍ଟ୍ରୀୟ ଯୋଗ ଦିବସ ପାଳିତ ହେବାକୁ ଯାଉଅଛି। ଚଳିତ ବର୍ଷର ଥିମ୍ ରଖାଯାଇଛି ‘ସ୍ବାସ୍ଥ୍ୟପ୍ରଦ ବାର୍ଦ୍ଧକ୍ୟ ପାଇଁ ଯୋଗ’। ପତଞ୍ଜଳି ଯୋଗପୀଠ ପକ୍ଷରୁ ଯୋଗ ଦିବସ ନିମନ୍ତେ ସଚେତନତା ସୃଷ୍ଟି ପାଇଁ ରାଜ୍ୟ ପ୍ରଭାରୀ ସୁନିଲ ଶର୍ମା, ଶିଶିର ଜେନା ଓ ସତ୍ୟ ରଞ୍ଜନ ଷଡ଼ଙ୍ଗୀଙ୍କ ପୌରହିତ୍ୟରେ ପ୍ରାକ ପ୍ରସ୍ତୁତି ଆରମ୍ଭ ହୋଇଯାଇଛି। ସତ୍ୟ ରଞ୍ଜନ ଷଡ଼ଙ୍ଗୀଙ୍କ ମାର୍ଗଦର୍ଶନରେ କଟକର ବିଭିନ୍ନ ସ୍ଥାନରେ ଭାରତ ସରକାରଙ୍କ ଆୟୁଷ ମନ୍ତ୍ରଣାଳୟ ପକ୍ଷରୁ ପ୍ରସ୍ତୁତ କମନ୍ ଯୋଗ ପ୍ରୋଟୋକଲ ଅଭ୍ୟାସ କରାଯିବା ସହ ଜନ ଭାଗିଦାରୀ ପାଇଁ ଆହ୍ୱାନ କରାଯାଉଛି।
ଅନ୍ୟମାନଙ୍କ ମଧ୍ୟରେ ସାଗର ନାୟକ, ଚଣ୍ଡେଶ୍ଵର ବେହେରା, ନିତାଇ ବଳ, ମହେନ୍ଦ୍ର ତ୍ରିପାଠୀ, ଝୁନାରାଣୀ ବେହେରା, କବିତା କରଣ, ଶୋଭା ଦାଶ, ସୁରଭି ରାଉତ, ସବିତା ପରିଡ଼ା, ପ୍ରମୋଦ ସାହୁ, ସବିତା ଦାସ, ପ୍ରସନ୍ନ ଭୂୟାଁ, ସନ୍ତୋଷ ରାୟ, ଜ୍ୟୋତି ରଞ୍ଜନ ମୁଦୁଲି, ସୁଧାଂଶୁ ମହାନ୍ତି, କୁରେଶ ପାତ୍ର, ଶରତ ପଣ୍ଡା, ତ୍ରିନାଥ ଦାସ, ଦୂର୍ବାଦଳ ସାହୁ, ଉଷାରାଣୀ ଜେନା, ଗୋଲେଖ ପ୍ରଧାନ, ହୃଷିକେଶ ସାହୁ ଓ ରାମଚନ୍ଦ୍ର ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
