ରଣପୁର ୨୮/୦୯ : ପ୍ରତିବର୍ଷ ଭଳି ଚଳିତ ବର୍ଷ ରଣପୁର ଅଞ୍ଚଳରେ ଦଶହରା ପର୍ବକୁ ନେଇ ଚଳଚଞ୍ଚଳ ହୋଇଉଠିଥିବା ଜଣାଯାଇଛି l ରଣପୁରର ଅଧିଷ୍ଠାତ୍ରୀ ଦେବୀ ମା ମଣିନାଗ ଙ୍କ ପୀଠ ଓ ରାଜବାଟୀ ମଧ୍ୟରେ ପୂଜାପାଉଥିବା ଆରଧ୍ୟା ଦେବୀ ମା ଖିଲାମୁଣ୍ଡାଙ୍କ ପୀଠରେ ଷୋଳପୂଜା ଚାଲିଥିବା ସାଙ୍ଗକୁ ନବରାତ୍ରି ମହା ସମାରୋହରେ ପାଳିତ ହେଉଛି l ଉଭୟ ପୀଠରେ ମାଙ୍କ ଦର୍ଶନ ପାଇଁ ପ୍ରତିଦିନ ପ୍ରବଳ ମାତ୍ରାରେ ଭିଡଲାଗୁଥିବା ବେଳେ ରବିବାର ରଣପୁର ବଜାର ଦୁର୍ଗାପୂଜା ମଣ୍ଡପରେ ପ୍ରତିବର୍ଷ ଭଳି ମହାଶପ୍ତମୀ ପୂଜା ମହା ଆଡମ୍ବରରେ ପାଳିତ ହୋଇଛି l
ଶାରଦୀୟ ଦଶହରା ପୂଜା ପାଇଁ ସମଗ୍ର ଅଞ୍ଚଳ ଚଳଚଞ୍ଚଳହୋଇ ଉଠିଥିବା ବେଳେ ରଣପୁର ସହ ଆଖପାଖ ଗୌରାଙ୍ଗପୁର, ବ୍ରଜରାଜପୁର, ଦର୍ପନାରାୟଣପୁର,ଖତିଆ, କୋଇଲମା, ରାଜସୁନାଖଳା ଓ ଚାନ୍ଦପୁର ଆଦି ଅଞ୍ଚଳରେ ମା ଦୁର୍ଗା ଙ୍କ ମେଢ଼ ସ୍ଥାପନ କରାଯାଇ ପୂଜା ଵିଧି ଚାଲିଥିବା ସହ ବିଭିର୍ଣ୍ଣ ସଂସ୍କୃତିଲ କାର୍ଯ୍ୟକ୍ରମ ପରିବେଷଣ ହେଉଥିବାରୁ ପ୍ରତି ପୀଠରେ ଶ୍ରଦ୍ଧାଳୁଙ୍କ ଭିଡ ଲାଗିରହିଛି l ଦଶହରା ପର୍ବ ଚାରିଦିନ ଧରି ପାଳନ ହେଉଥିବା ହେତୁ ବିଭିର୍ଣ୍ଣ ଦେବାଦେବୀ ପୀଠ ଗୁଡିକ ସହ ଦୋକାନ ବଜାରରେ ଭିଡ ଲାଗିଥିବା ଦେଖିବାକୁ ମିଳିଛି l
