ନୂଆଦିଲ୍ଲୀ : ରାଷ୍ଟ୍ରପତି ଦ୍ରୌପଦୀ ମୁର୍ମୁ ହିନ୍ଦୁ ନବବର୍ଷ ଅବସରରେ ଶ୍ରୀରାମ ଜନ୍ମଭୂମି ମନ୍ଦିରରେ ଏକ କାର୍ଯ୍ୟକ୍ରମରେ ସାମିଲ ହେବେ । ଆଜି ରାଷ୍ଟ୍ରପତି ମନ୍ଦିରରେ ଶୁଭ ଅଭିଜିତ ମୁହୂର୍ତ୍ତ ୧୧.୫୫ ମିନିଟରେ ଶ୍ରୀରାମ ଯନ୍ତ୍ର ସ୍ଥାପନା ଏବଂ ପୂଜା କରିବେ । ଏହି ଖାସ୍ ସମାରୋହରେ ପାଖାପାଖି ୭୦୦୦ ଅତିଥି ଯୋଗ ଦେବେ ।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ମହର୍ଷି ବାଲ୍ମକୀ ଇଣ୍ଟରନ୍ୟାସନାଲ ଏୟାରପୋର୍ଟରେ ପହଞ୍ଚିଛନ୍ତି । ଏହାପରେ ପରେ ସିଧା ମନ୍ଦିରକୁ ଯିବେ । ତାଙ୍କ ଅଯୋଗଧ୍ୟାଗସ୍ତ ପାଖାପାଖି ୪ ଘଣ୍ଟାର ରହିବ । ଏହି କାର୍ଯ୍ୟକ୍ରମରେ ତୁର୍କୀ, ଇଟାଲି, ଆମେରିକା ଇତ୍ୟାଦି ସ୍ଥାନରୁ ଅତିଥିମାନେ ପହଞ୍ଚିବେ । ଏମାନଙ୍କୁ ରାଷ୍ଟ୍ରପତି ସମ୍ମାନିତ କରିବେ ।
ରାଷ୍ଟ୍ରପତି ରାମମନ୍ଦିରର ଦ୍ବିତୀୟ ମହଲାରେ ଶ୍ରୀରାମ ଯନ୍ତ୍ର ସ୍ଥାପନା କରିବେ । ପାଖାପାଖି ୧୫୦ କିଲୋର ସ୍ବର୍ଣ୍ଣମଣ୍ଡିତ ଏହି ଯନ୍ତ୍ର ସ୍ଥାପନା ପାଇଁ ଅନେକ ଦିନରୁ ଅଲଗା ଅଲଗା ଧାର୍ମିକ ଆୟୋଜନ କରାଯାଉଛି । ଯନ୍ତ୍ର ସ୍ଥାପନାକୁ ନେଇ ଶ୍ରଦ୍ଧାଳୁ, ସନ୍ଥ-ମହନ୍ତ ଏବଂ ଧର୍ମାଚାର୍ଯ୍ୟ ବହୁତ ଉତ୍ସାହିତ ରହିଛନ୍ତି । ଧାର୍ମିକ ମାନ୍ୟତା ଅନୁସାରେ, ଶ୍ରୀରାମ ଯନ୍ତ୍ର ଭଗବାନ ଶ୍ରୀରାମଙ୍କ ମର୍ଯ୍ୟାଦା, ଧର୍ମ ଏବଂ ଶକ୍ତିର ପ୍ରତୀକ । ଏହାର ସ୍ଥାପନା ମନ୍ଦିର ପରିସରରେ ସକାରାତ୍ମକ ଉର୍ଜା ଆଣିଥାଏ । ଏହାଦ୍ବାରା ଶ୍ରଦ୍ଧାଳୁଙ୍କ ମାନସିକ ଶାନ୍ତି ଏବଂ ଆଧ୍ୟାତ୍ମିକ ସନ୍ତୁଳନର ଅନୁଭୂତି ହୋଇଥାଏ ।
ସମାରୋହରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ରାଜପାଳ ଆନନ୍ଦୀବେନ ପଟେଲ ଏବଂ ରାମ ମନ୍ଦିର ଟ୍ରଷ୍ଟର ଅନେକ ପ୍ରମୁଖ ସଦସ୍ୟ ଉପସ୍ଥିତ ରହିବେ ।
