ନୂଆଦିଲ୍ଲୀ: ପେରୁରେ ଭୟଙ୍କର ଭୂକମ୍ପ ଅନୁଭୂତ ହୋଇଛି । ଗତକାଲି ଅର୍ଥାତ୍ ରବିବାର ଦିନ ଅନୁଭୂତ ହୋଇଥିବା ଶକ୍ତିଶାଳୀ ଭୂକମ୍ପ ସମଗ୍ର ଅଞ୍ଚଳକୁ ଦୋହଲାଇ ଦେଇଛି । ଭୂକମ୍ପର ତୀବ୍ରତା ୬.୧ । ଏହି ଭୂକମ୍ପରେ ଜଣେ ବ୍ୟକ୍ତିଙ୍କର ପ୍ରାଣ ଚାଲିଯାଇଥିବାବେଳେ ଅନ୍ୟ ୫ଜଣ ଆହତ ହୋଇଥିବା ସୂଚନା ମିଳିଛି । ଭୂକମ୍ପ ହେବା ଫଳରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଯାଇଥିଲା ।
ସୂଚନାନୁଯାୟୀ, ଲିମା ଏବଂ ଏହାର ଆଖପାଖରେ ବଡ଼ ଧରଣର ଭୂସ୍ଖଳନ ହୋଇଥିଲା । ଫଳରେ ସମ୍ପର୍ଣ୍ଣ ପରିବେଶ ଧୂଳିମୟ ହୋଇଯାଇଥିଲା । ଯାହାର କେନ୍ଦ୍ରସ୍ଥଳ ଲିମାର ସଟେ ବନ୍ଦରଗାହ ସହରର କେଲାଓଠାରୁ ପ୍ରାୟ ୩୦ କିଲୋମିଟର ଦୂରରେ ଥିଲା । ଭୂକମ୍ପର ତୀବ୍ରତା କିଛି ପରିମାଣରେ କମ୍ ଥିଲା ବୋଲି ଆମେରିକାର ଭୂବୈଜ୍ଞାନିକ ସ୍ପଷ୍ଟ କରିଛନ୍ତି ।
ଏପଟେ ଲିମାରେ ଜଣେ ବ୍ୟକ୍ତିଙ୍କ କାର ଉପରେ କାନ୍ଥ ପଡ଼ିଯିବାରୁ ତାଙ୍କର ମୃତ୍ୟୁ ହୋଇଛି । କିନ୍ତୁ ଏପର୍ଯ୍ୟନ୍ତ ସୁନାମି ପାଇଁ ଚେତାବନୀ ଜାରି କରାଯାଇ ନାହିଁ । ରାଷ୍ଟ୍ରପତି ଡିନା ବୋଲୁଆର୍ଟ ବାସିନ୍ଦାଙ୍କୁ ଶାନ୍ତ ରହିବାକୁ ଅନୁରୋଧ କରିଛନ୍ତି । ପ୍ରଶାନ୍ତ ମହାସାଗରୀୟ ଉପକୂଳ ପ୍ରତି କୌଣସି ବିପଦ ନାହିଁ ବୋଲି ମଧ୍ୟ ଲୋକମାନଙ୍କୁ ଆଶ୍ୱସ୍ତ କରିଛନ୍ତି ରାଷ୍ଟ୍ରପତି । ଭୂକମ୍ପ କାରଣରୁ ଲିମାରେ ଖେଳାଯାଉଥିବା ଏକ ପ୍ରମୁଖ ଫୁଟବଲ୍ ମ୍ୟାଚ୍ ମଧ୍ୟ ସ୍ଥଗିତ ରଖାଯାଇଛି ।
ସୂଚନାଯୋଗ୍ୟ ଶେଷଥର ପାଇଁ ପେରୁରେ ୨୦୨୧ ମସିହାରେ ବଡ଼ ଭୂମିକମ୍ପ ଘଟିଥିଲା । ଆମାଜନ ଅଞ୍ଚଳରେ ୭.୫ ତୀବ୍ରତାର ଭୂମିକମ୍ପ ହୋଇଥିଲା । ଯେଉଁଥିରେ ୧୨ ଜଣ ଆହତ ହୋଇଥିବାବେଳେ ୭୦ ରୁ ଅଧିକ ଘର ନଷ୍ଟ ହୋଇଯାଇଥିଲା ।
