ବାଲେଶ୍ୱର ( ଭିଓଭି) ୫/୦୩ – ଆଜି ସକାଳ ୮ ଟା ସମୟ ରେ ରେମୁଣା ଏନ୍ ଏ ସି ର ୪ ନଂ ୱାଡ଼ ସ୍ଥିତ ଗୈ।ଡଦାଣ୍ଡ ଗ୍ରାମରେ ସନ୍ତୋଷ କୁମାର ଦାସ ଙ୍କ ( ବିଟୁ ଭାଇ ମେସ୍ )୨ ମହଲା ରେ ଥିବା ଏକ ଘରୁ ଝୁଲନ୍ତା ମୃତ ଦେହ ଜବତ କରାଯାଇଛି । ମୃତକ ଙ୍କ ଘର ସଦର ବ୍ଲକ୍ ଅନ୍ତର୍ଗତ ବଡକିଆ ଗ୍ରାମର ଅରୁଣ କୁମାର ଦାସ ଙ୍କ ସାନପୁଅ ହରିଶଙ୍କର ଦାସ (୨୩ )ଙ୍କ ର ବୋଲି ଜଣାପଡିଛି । ଗତ କାଲି ଠାରୁ ହରିଶଙ୍କର ଫୋନ୍ ନ ଉଠାଇବାରୁ ଆଜି ତାଙ୍କ ବାପା ଏବଂ ବଡଭାଇ ସକାଳେ ଆସି ତାଙ୍କ ପାଖରେ ପହଞ୍ଚିଥିଲେ । କବାଟ ଭିତର ପଟରୁ ବନ୍ଦ ଥିଲା ।
ମେସ୍ ମାଲିକ ଙ୍କ ସହାୟତା ରେ ଘର ଖୋଲାଯାଇ ମୃତ ଦେହ କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ସେ ନିକଟସ୍ଥ ସି ଟି ସ୍କୁଲ ର ପ୍ରଥମ ବର୍ଷ ଛାତ୍ର ଥିଲେ । ମାନସିକ ଚାପ କାରଣରୁ ଏ ପ୍ରକାର ପଦକ୍ଷେପ ନେଇଥାଇପାରନ୍ତି ବୋଲି ଅନୁମାନ କରାଯାଉଛି । ଘଟଣାସ୍ଥଳରେ ପୋଲିସ୍ ଏବଂ ୱ। ର୍ଡକାଉନସିଲର ଶିବଶଙ୍କର ରାୟ ପହଞ୍ଚି ଥିଲେ । ଶବ ବ୍ୟବଚ୍ଛେଦ ପରେ ପ୍ରକୃତକଥା ଜଣାପଡ଼ିବ ।
