ଭୁବନେଶ୍ବର: ବରମୁଣ୍ଡା ବସ୍ ଷ୍ଟାଣ୍ଡ ନିକଟରେ ଉତ୍ତେଜନା । କଷ୍ଟମର ଉଠାଇବାକୁ କେନ୍ଦ୍ର କରି ଅଟୋ ସଂଘ ଓ ଅନଲାଇନ ବାଇକ ସେବା ଯୋଗାଉ ଥିବା GIG ବାଇକ ୟୁନିୟନ ମଧ୍ୟରେ ବଚସା । ଘଟଣାକୁ ନେଇ ଉଭୟ ପକ୍ଷଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ଅଟୋ ସଂଘକୁ ବିରୋଧ କରି gig ୟୁନିୟନର ସଦସ୍ୟମାନେ ବହୁ ସଂଖ୍ୟାରେ ବସ୍ ଷ୍ଟାଣ୍ଡ ନିକଟରେ ଏକାଠି ହୋଇଥିବା ସୂଚନା । ଘଟଣାସ୍ଥଳରେ ଲାଗି ରହିଛି ଉତେଜନା ।
ଅନ୍ୟପଟେ, ରାଜଧାନୀରେ ପୁଣି ଦାଦାଗିରି । ଖାରବେଳନଗର ଥାନା ଅଞ୍ଚଳରେ ଖଣ୍ଡା ବୁଲାଇ ଆତଙ୍କ ସୃଷ୍ଟି କଲେ ନିଶାଡ଼ି ଯୁବକ। ପୁରୁଣା ଗୋଷ୍ଠୀ ବିବାଦକୁ କେନ୍ଦ୍ର କରି ଅଞ୍ଚଳରେ ଉତ୍ତେଜନା ଲାଗି ରହିଛି । ଗତ ୨୪ ତାରିଖ ରାତିରେ ଏକ ଗୋଷ୍ଠୀ ଖଣ୍ଡା ବୁଲାଇ ଆକ୍ରମଣ କରିଥିବା ଘଟଣାରେ ପୋଲିସ ପୂର୍ବରୁ ୪ ଜଣଙ୍କୁ ଗିରଫ କରିଥିଲା । ଏହାର ପ୍ରତିଶୋଧ ନେବାକୁ ଅନ୍ୟ ଗୋଷ୍ଠୀର କିଛି ଯୁବକ ଅଭିଯୁକ୍ତଙ୍କ ଘର ସମ୍ମୁଖରେ ଖଣ୍ଡା ବୁଲାଇ ହୋହଲ୍ଲା କରିଥିବା ଅଭିଯୋଗ ହୋଇଛି ।
