ରଣପୁର (ଭିଓଭି): ରଣପୁର ବ୍ଳକ ଅନ୍ତର୍ଗତ ରାମଚନ୍ଦ୍ରପୁର ଶାସନରେ ତିନି ଦିନ ବ୍ୟାପି ରୁଦ୍ର ଓ ଚଣ୍ଡୀ ମହାଯଜ୍ଞ ଅନୁଷ୍ଠିତ ହୋଇଛି । ପ୍ରଥମ ଦିବସରେ ପୁଷ୍କରଣୀରୁ ଜଳାଧିବାସ କରାଯାଇ କଳସ ଶୋଭାଯାତ୍ରା କରି ଗ୍ରାମ ପରିକ୍ରମା କରାଯାଇଥିଲା। ଗ୍ରାମ ନିକଟସ୍ଥ ସମସ୍ତ ମନ୍ଦିରରୁ ଦେବତାମାନଙ୍କୁ ନିମନ୍ତ୍ରଣ କରାଯାଇଥିଲା । ପ୍ରତଃ ସମୟରେ ସୂର୍ଯ୍ୟ ପୂଜା, ମଧ୍ୟାହ୍ନ ରେ ପୀଠ ପୂଜା, କାମଧେନୁ ପୂଜା କରାଯାଇଥିଲା। ଗୋଧୂଳି ଅପରାହ୍ନରେ ଚଣ୍ଡୀ ଆହୁତି, ରୁଦ୍ରାଭିଷେକ ଆହୁତି କରାଯାଇଛି ।
ଅମାବାସ୍ୟା ତିଥିରେ ପୂର୍ଣ୍ଣାହୁତି ଦିଆଯାଇଥିଲା। ପଣ୍ଡିତ ଆଲୋକ ତ୍ରିପାଠୀ ଆଚାର୍ଯ୍ୟ ରୂପେ ନିମନ୍ତ୍ରିତ ହୋଇ ପୂଜା ପାଠ କରିଥିଲେ । ପୁସ୍ତକାଚାର୍ଯ୍ୟ ଭାବେ ମନୋରଞ୍ଜନ ପ୍ରହରାଜ, ହରେକୃଷ୍ଣ ନନ୍ଦ ବେଦପାଠ କରିଥିଲେ । ନୀଳକଣ୍ଠ ଦାଶ , ଶଙ୍କର୍ଷଣ ଦାଶ, ବାଳକୃଷ୍ଣ ଦାଶ, ବୀରକିଶୋର ମିଶ୍ର, ଜୋତିରଞ୍ଜନ ଦାଶ, ବାଳକୃଷ୍ଣ ଷଡ଼ଙ୍ଗୀ ସମସ୍ତ ବ୍ରାହ୍ମଣ ଉପସ୍ଥିତ ରହି ଯଜ୍ଞରେ ବିଭିନ୍ନ ପୂଜା କାର୍ଯ୍ୟ ସମ୍ପାଦନ କରିଥିଲେ । ଗ୍ରାମର ଯୁବକମାନେ ସହଯୋଗ କରିଥିଲେ ।
