ଲୋଧାଚୁଆ (ଭିଓଭି): ଲୋଧାଚୁଆ ଗ୍ରାମ ପଞ୍ଚାୟତ ଆଞ୍ଚଳିକ ବରିଷ୍ଠ ନାଗରିକ ସଙ୍ଗଠନ ର ତୃତୀୟ ବାର୍ଷିକ ଉତ୍ସବ ଗୋପିମୋହନ ପୁର ଅଚିହ୍ନା ପରମହଂସ ଆଶ୍ରମ ପ୍ରାଙ୍ଗଣରେ ଅବସରପ୍ରାପ୍ତ ଶିକ୍ଷକ ନବ କିଶୋର ମହାପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା। ବରିଷ୍ଠ ନାଗରିକ ମହାସଂଘର ରାଜ୍ଯ ଉପସଭାପତି ବସନ୍ତ କୁମାର ବାରିକ , ବୃନ୍ଦାବନ ପୁର ଗ୍ରାମ ପଞ୍ଚାୟତର ବରିଷ୍ଠ ନାଗରିକ ମାନଙ୍କର ସଭାପତି ପ୍ରସନ୍ନ କୁମାର ରଥ, ସମାଜସେବୀ ସୁରେଶ ସ୍ଵାଇଁ, ଉଦ୍ୟୋଗ ପତି ଲିଙ୍ଗରାଜ ପ୍ରଧାନ, ପୂର୍ବତନ ସରପଞ୍ଚ ଜୟନ୍ତ ନାୟକ, ସରପଞ୍ଚଙ୍କ ପ୍ରତିନିଧି ସୂର୍ଯ୍ୟନାରାୟଣ ପ୍ରଧାନ, ସମିତି ସଭ୍ୟ ମୀନ କେତନ ନାୟକ, କୈଳାସ ଚନ୍ଦ୍ର ସାହୁ, ଗୋପାଳ ପ୍ରଧାନ, ଅନୁଷ୍ଠାନର ସଭାପତି ବୈକୁଣ୍ଠନାଥ ସ୍ଵାଇଁ, ଉପସଭାପତି ସର୍ବେଶ୍ଵର ସ୍ଵାଇଁ, ସମ୍ପାଦକ ନାରାୟଣ ବଳିୟାରସିଂହ, ୱାର୍ଡସଭ୍ୟ ଯୁଗଳ କିଶୋର ସ୍ଵାଇଁ ପ୍ରମ୍ମୁଖ ଅତିଥି, ମୁଖ୍ୟଅତିଥି ଓ ମୁଖ୍ୟବକ୍ତା ଭାବେ ଯୋଗଦେଇ ବରିଷ୍ଠ ନାଗରିକଙ୍କ ଉଦ୍ଦିଷ୍ଠ ସରକାରଙ୍କ ଆଇନ ସହାୟତା ସମ୍ପର୍କରେ ଆଲୋଚନା କରିଥିଲେ। ଦିବଙ୍ଗତ ବ୍ୟକ୍ତି ବିଶେଷଙ୍କ ଉଦ୍ଦେଶ୍ୟରେ ନୀରବ ଶ୍ରଦ୍ଧାଞ୍ଜଳି ଦିଆଯାଇଥିଲା। ଉପସ୍ଥିତ ଅତିଥିମାନେ ପଞ୍ଜିକୃତ ଓ ଉପସ୍ଥିତ ବରିଷ୍ଠ ନାଗରିକଙ୍କୁ ଅନୁଷ୍ଠାନ ତରଫରୁ ଶୀତ ବସ୍ତ୍ର ବଣ୍ଟନ କରିଥିଲେ। ସଙ୍ଗଠନର ଉତ୍ତୋରତ୍ତର ଉନ୍ନତି ସାଙ୍ଗକୁ ଭାଇଚାରା ସମ୍ପର୍କକୁ ଦୃଢିକରଣ କରିବା, ଅନୁଷ୍ଠାନ ବାହାରେ ଥିବା ବରିଷ୍ଠ ନାଗରିକଙ୍କୁ ସଙ୍ଗଠନରେ ସାମିଲି କରିବାକୁ ଅତିଥିମାନେ ପରାମର୍ଶ ଦେଇଥିଲେ। ଅନୁଷ୍ଠାନର ସମ୍ପାଦକ ବିବରଣୀ ପାଠ କରିଥିଲା ବେଳେ ସମାଜସେବୀ ଲକ୍ଷ୍ମୀକାନ୍ତ ଜୟସିଂହ ବରିଷ୍ଠ ନାଗରିକମାନଙ୍କୁ ଫିଜିଓ ଥେରାପିର ସେବା ପ୍ରଦାନ କରିଥିଲେ।
ଲୋଧାଚୁଆ ଗ୍ରାମ ପଞ୍ଚାୟତ ଆଞ୍ଚଳିକ ବରିଷ୍ଠ ନାଗରିକ ସଙ୍ଗଠନର ତୃତୀୟ ବାର୍ଷିକ ଉତ୍ସବ
