ରଣପୁର (ଭିଓଭି) : ଓଡ଼ିଶା ଲୋକସେବା ଆୟୋଗ ଦ୍ୱାରା ପରିଚାଳିତ ୨୦୨୨ ମସିହାର ରାଜ୍ୟ ପ୍ରଶାସନିକ ସେବାର ଚୂଡାନ୍ତ ପରୀକ୍ଷା ଫଳ ଆଜି ପ୍ରକାଶ ପାଇଛି।ଏଥିରେ ସମୁଦାୟ ୬୩୮ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ସେମାନଙ୍କ ମଧ୍ୟରେ ୨୫୮ ଜଣ ମହିଳା ପ୍ରାର୍ଥୀ ରହିଛନ୍ତି। ସୂଚନା ଅନୁଯାୟୀ ନୟାଗଡ ଜିଲ୍ଲା ରଣପୁର ବ୍ଲକ୍ ବୃନ୍ଦାବନପୁର ଗ୍ରାମର ହର ପ୍ରସାଦ ମହାପାତ୍ର ଓ.ଏ.ଏସ ପରୀକ୍ଷାରେ କୃତକାର୍ଯ୍ୟ ହୋଇ ନିଜ ଗ୍ରାମ ତଥା ନିଜ ପରିବାର ପାଇଁ ଗର୍ବ ଆଣି ଦେଇଛନ୍ତି।ପ୍ରକାଶ ଥାଉକି ହର ପ୍ରସାଦ ଅବସରପ୍ରାପ୍ତ ଶିକ୍ଷକ ବିରଞ୍ଚି ନାରାୟଣ ରଣା ଓ ବାସନ୍ତୀ ରଣାଙ୍କ ପୁତ୍ର। ତାଙ୍କର ସଫଳତା ପାଇଁ ସମଗ୍ର ପଞ୍ଚାୟତରେ ଆନନ୍ଦର ଲହରୀ ଖେଳି ଯାଇଛି। ହର ପ୍ରସାଦ ସଫଳତାର ଶ୍ରେୟ ନିଜର ପିତା, ମାତା ଓ ଗୁରୁଜନମାନଙ୍କୁ ଦେବା ସଙ୍ଗେ ସଙ୍ଗେ ଏଥିପାଇଁ ସେ କଠିନ ପରିଶ୍ରମ କରିଥିବା ଆମ ପ୍ରତିନିଧିଙ୍କୁ କହିଛନ୍ତି।
ହର ପ୍ରସାଦ ପାଇଲେ ଓଏଏସ୍
