ଭୁବନେଶ୍ବର: ବରଗଡ଼ ଜିଲ୍ଲା ଭଟଲି ବ୍ଲକ୍ ଅନ୍ତର୍ଗତ କୁସନପୁରୀ ବିଜୟା ଛକ ନିକଟରେ ସ୍ତ୍ରୀକୁ ହତ୍ୟା କରିବା ପରେ ଆତ୍ମହତ୍ୟା କରିଛି ସ୍ୱାମୀ। ମୃତକମାନେ ହେଲେ ଶୋର ଭୁଏ ଓ ତାଙ୍କ ପତ୍ନୀ ସୁନିତା ଭୁଏ । ଶୋର ଓ ସୁନିତା ୧୪ ବର୍ଷ ପୂର୍ବରୁ ପ୍ରେମ ବିବାହ କରିଥିଲେ। ପ୍ରାୟ ୪ ବର୍ଷ ହେବ ସେମାନେ ଭଟଲିରେ ଆସି ରହୁଥିଲେ। ଗତକାଲି କୌଣସି କଥାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ପରେ ଶୋର ଉତ୍ତ୍ୟକ୍ତ ହୋଇ ସୁନିତାଙ୍କ ପେଟରେ ଛୁରୀ ଭୁସି ଦେଇଥିଲେ। ପରେ ଘରେ ଦଉଡି ଲଗାଇ ଆତ୍ମହତ୍ୟା କରିଥିଲେ।ଆଜି ସକାଳେ ବିଳମ୍ବିତ ସମୟ ପର୍ୟ୍ୟନ୍ତ ସୁନିତା ଘର କବାଟ ଖୋଲିନଥିଲେ। ଘର ମାଲିକ କବାଟ ବାଡ଼େଇ ଥିଲେ ମଧ୍ୟ କେହି କବାଟ ଖୋଲି ନଥିଲେ। ଏନେଇ ଘର ମାଲିକଙ୍କର ସନ୍ଦେହ ହୋଇଥିଲା। ପୁଲିସକୁ ଘଟଣାସଂପର୍କରେ ଜଣାଇବା ସହ ସେମାନଙ୍କ ପରିବାର ଲୋକଙ୍କୁ ଖବର ଦେଇଥିଲେ। ପୁଲିସ ପହଞ୍ଚି କବାଟ ତାଡ଼ି ଉଭୟଙ୍କ ମୃତଦେହ ଉଦ୍ଧାର କରିଥିଲା। ପୁଲିସ ଉଭୟଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି।
ସ୍ତ୍ରୀକୁ ହତ୍ୟା କରି ସ୍ୱାମୀର ଆତ୍ମହତ୍ୟା
