୯ରେ ବାରବାଟୀରେ ଭାରତ-ଇଂଲଣ୍ଡ ଦିନିକିଆ, ୫ ଓ ୬ ରେ କାଉଣ୍ଟରରେ ଏବଂ ୨ ରେ ଅନଲାଇନରେ ଟିକେଟ ବିକ୍ରି

ଭୁବନେଶ୍ବର : ଫେବ୍ରୁଆରୀ ୯ରେ ବାରବାଟୀରେ ହେବ ଭାରତ-ଇଂଲଣ୍ଡ ଦିନିକିଆ କ୍ରିକେଟ ମ୍ୟାଚ୍ । ଏଥିପାଇଁ ଫେବୃଆରୀ ୫ ଓ ୬ ରେ କାଉଣ୍ଟରରେ ଟିକେଟ ବିକ୍ରି ହେବ । ୨ ତାରିଖରେ ବିକ୍ରି ହେବ ଅନଲାଇନ ଟିକେଟ । ଅନଲାଇନରେ 4 ହଜାର ଟିକେଟ ବିକ୍ରି ହେବ । ଷ୍ଟାଡିୟମର ସ୍ଥିତି ପରଖିଲେ ପୋଲିସ କମିଶନର ଏବଂ ମୁଖ୍ୟ ଅଗ୍ନିଶମ ଅଧିକାରୀ। ୫୦ ହଜାର ଲୋକଙ୍କ ସମାଗମ ହେବାକୁ ଯାଉଛି । ତେଣୁ ଷ୍ଟାଡିୟମ ପରିସରରେ କିପରି ଶୃଙ୍ଖଳା ବଜାୟ ରହିବ ଏବଂ ଟିକେଟ ବିକ୍ରି ପାଇଁ କୌଣସି ସମସ୍ୟା ରହିବ ନାହିଁ ତା ଉପରେ ଜୋର ଦେଇଛନ୍ତି ପୋଲିସ କମିଶନର। ଖେଳାଳି ଓ ଦର୍ଶକଙ୍କ ସୁରକ୍ଷା ସହିତ ଟ୍ରାଫିକ ପରିଚାଳନା ଉପରେ ବିଶେଷ ଦୃଷ୍ଟି ରହିବ । ପାର୍କିଂ ସ୍ଥାନ ଗୁଡିକରେ CCTV ଲଗାଯିବ । ତଳ ବାଲିଯାତ୍ରା ପଡ଼ିଆରେ ପାର୍କିଂ ହେବ କି ନାହିଁ ତାହା ସ୍ପଷ୍ଟ ହୋଇନଥିବା କହିଛନ୍ତି କଟକ ଜିଲ୍ଲାପାଳ ।