ହାଇୱା ଧକ୍କାରେ ମହିଳାଙ୍କ ମୃତ୍ୟୁ, ତିନିମୁହାଣି ଛକରେ ଘଟିଗଲା ଅଘଟଣ

ଭୁବନେଶ୍ବର : ଆଜି ଥିଲା ପୁଅର ମାଟ୍ରିକ ପରୀକ୍ଷା ।  ଆଉ ପୁଅକୁ ପରୀକ୍ଷା ସେଣ୍ଟର ନେଇ ଯାଉଥିଲେ ବାପା ମା ।  ହେଲେ ବାଟରେ ଜଗି ବସିଥିଲା ଜମ।  ଆଉ ଆଖି ପିଛୁଳାକେ ଘଟିଗଲା ଅଘଟଣ ।  କେନ୍ଦ୍ରାପଡ଼ାରେ ହାଇୱା ଧକ୍କାରେ ମହିଳାଙ୍କ ମୃତ୍ୟୁ ହୋଇଛି ।   ତିନି ମୁହାଣୀ ଛକରେ ଏହି ସଡ଼କ ଦୁର୍ଘଟଣା ଘଟିଯାଇଛି ।   ଘଟଣାସ୍ଥଳରେ ଜଣେ ମହିଳାଙ୍କପ୍ରାଣ ବାୟୁ ଉଡି ଯାଇଛି ।  ଯାହାଫଳରେ ଘଟଣାସ୍ଥଳରେ ଉତ୍ତେଜନା ଦେଖିବାକୁ ମିଳିଛି ।  ଉତ୍ୟକ୍ତ ଲୋକେ ହାଇୱାକୁ ଅଟକ ରଖିବା ସହ ଡ୍ରାଇଭରକୁ ନିସ୍ତୁକ ମାଡ଼ ମାରିଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚିଛି ।  ପୋଲିସ ଉପସ୍ଥିତିରେ ଡ୍ରାଇଭରକୁ ପିଟିଛନ୍ତି ଲୋକେ ।  ସୂଚନାନୁସାରେ ସ୍କୁଟିରେ ସ୍ବାମୀ, ସ୍ତ୍ରୀ ଓ ପୁଅ ଯାଉଥିବା ବେଳେ ଦୁର୍ଘଟଣା ଘଟିଥିଲା ।  ସ୍ବାମୀ, ସ୍ତ୍ରୀ ଯାଉଥିବା ବେଳେ ଦ୍ରୁତଗତିରେ ଆସୁଥିବା ହାଇୱା ଧକ୍କା ଦେଇଥିଲା।  ସ୍ବାମୀ ଓ ପୁଅ ଆହତ ହୋଇଛନ୍ତି ।  ମାଟ୍ରିକ୍ ପରୀକ୍ଷା ପାଇଁ ଯାଉଥିବା ପୁଅର ହାତ ଭାଙ୍ଗିଯାଇଥିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।