ବେଙ୍ଗାଲୁରୁ : ଆରସିବି ଆଇପିଏଲ ୨୦୨୫ ଟ୍ରଫି ଜିତିବା ପରେ ଟିମକୁ ବେଙ୍ଗାଲୁରୁ ଚିନ୍ନାସ୍ବାମୀ ଷ୍ଟାଡିୟମରେ ସମ୍ବର୍ଦ୍ଧନା ସମାରୋହ ଆୟୋଜନ କରାଯାଇଛି । ଚିନ୍ନାସ୍ବାମୀ ଷ୍ଟାଡିୟମ ବାହାରେ ଦଳାଚକଟା ହୋଇ ୧୦ ଜଣଙ୍କ ଜୀବନ ଚାଲିଯାଇଥିବା ସୂଚନା ମିଳିଛି । ଘଟଣାରେ ୫୦ରୁ ଅଧିକ ଆହତ ହୋଇଥିବା ସୂଚନା ମଧ୍ୟ ମିଳିଛି ।
ଖବର ମୁତାବକ, ଆରସିବିର ବିଜୟ ପରେ ଚିନ୍ନାସ୍ବାମୀ ଷ୍ଟାଡିୟମରେ ସମ୍ବର୍ଦ୍ଧନା ସମାରୋହ କାର୍ଯ୍ୟକ୍ରମ ରହିଛି । ଏଥିପାଇଁ ଷ୍ଟାଡିୟମ ବାହାରେ ଶତାଧିକ ଫ୍ୟାନ୍ସ ଉପସ୍ଥିତ ରହିଛନ୍ତି । ଷ୍ଟାଡିୟମକୁ କେବଳ ଟିକେଟ ଏବଂ ପାସ୍ ଧାରୀଙ୍କୁ ଏଣ୍ଟ୍ରି ପାଇଁ ସୁଯୋଗ ଦେଇଛି । ଏପରି ସ୍ଥଳେ ଷ୍ଟାଡିୟମ ବାହାରେ ପ୍ରବଳ ଗହଳି ଲାଗିରହିଛି । ପୋଲିସ ଏମାନଙ୍କୁ କାବୁ କରିବା ପାଇଁ ଲାଠିଚାର୍ଜ କରିବା ପରେ ଦଳାଚକଟା ଆରମ୍ଭ ହୋଇଛି ।
୧୮ ବର୍ଷ ପରେ RCB IPL ଚାମ୍ପିଅନ ହୋଇଛି ତେଣୁ ଲକ୍ଷ ଲକ୍ଷ ସମର୍ଥକ ଷ୍ଟାଡିୟମ ବାହାରେ ଭିଡ଼ ଜମାଇଥିଲେ। ଘଟଣାରେ ୧୦ ଜଣଙ୍କ ଜୀବନ ଚାଲିଯାଇଥିବା ବେଳେ ୨୦ରୁ ଅଧିକ ଆହତ ହୋଇଥିବା ସୂଚନା ମିଳିଛି । ତେବେ ଆଗକୁ ମୃତକଙ୍କ ସଂଖ୍ୟା ବଢିପାରେ ବୋଲି ଅନୁମାନ କରାଯାଉଛି ।
ପ୍ରଥମ ଥର ପାଇଁ ଆଇପିଏଲ ଟ୍ରଫି ଜିତିବା ପରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିଜୟ ପରେଡରେ ସାମିଲ ହୋଇଥାଆନ୍ତା । ତେବେ ସହରର ଟ୍ରାଫିକ୍ ବ୍ୟବସ୍ଥାକୁ ଦୃଷ୍ଟି ରଖି ବେଙ୍ଗାଲୁରୁ ପୁଲିସ ଚାମ୍ପିଅନ ଆରସିବି ଦଳକୁ ବିଜୟ ପରେଡ୍ ପାଇଁ ଅନୁମତି ଦେଲା ନାହିଁ। ଷ୍ଟାଡିୟମରେ ହେବାକୁ ଥିବା ସମ୍ବର୍ଦ୍ଧନା ସମାରୋହ ପାଇଁ ଲୋକମାନଙ୍କୁ ଭିଡ଼ରୁ ବର୍ତ୍ତିବା ପାଇଁ ମେଟ୍ରୋ ଏବଂ ସରକାରୀ ପରିବହନ ବ୍ୟବହାର କରିବାକୁ ପରାମର୍ଶ ଦେଇଛି । ଷ୍ଟାଡିୟମ ବାହାରେ ଗାଡି ପାର୍କିଂର ସୁବିଧା ନାହିଁ । ତେଣୁ କେବଳ ଟିକେଟ ଏବଂ ପାସ୍ ଧାରୀଙ୍କୁ ଷ୍ଟାଡିୟମକୁ ଯିବାକୁ ଅନୁମତି ମିଳିବ ବୋଲି ପୋଲିସ କହିଥିଲା । ତଥାପି ଷ୍ଟାଡିୟମ ବାହାରେ ଏଭଳି ଘଟଣା ଘଟିଗଲା ।
