ବାଲେଶ୍ଵର ( ଭିଓଭି ) ୧୯/୧୦ : – ଆଜି ବାଲେଶ୍ଵର ସହର ସମେତ ଆଖପାଖ ଅଞ୍ଚଳରେ ଦୁର୍ଗତିନାଶିନୀ ମା’ ଦୁର୍ଗାଙ୍କ ପବିତ୍ର ଅଷ୍ଟମୀ ପୂଜାରେ ପ୍ରସିଦ୍ଧ ବାଡିଖେଳ ଅନୁଷ୍ଠିତ ହୋଇଯାଇଛି । ଏହା ବାଲେଶ୍ଵର ର ଏକ ନିଆରା ଖେଳ । ମହାଳୟା ଠାରୁ ବାଡ଼ି ଖେଳର ଅଭ୍ୟାସ ଆରମ୍ଭ ହୋଇଥାଏ । ଅଷ୍ଟମୀ ଦିନ ସହର ସାରା ପ୍ରଦର୍ଶନ କରାଯାଇଥାଏ । ଏହି ଶୁଭ ଅବସରରେ ସଦର ବିଧାୟକ ଶ୍ରୀଯୁକ୍ତ ମାନସ କୁମାର ଦତ୍ତ ଏବଂ ସମସ୍ତ ବରିଷ୍ଟ ନେତୃବୃନ୍ଦ ଓ ଯୁବମୋର୍ଚ୍ଚା ସାଥୀ ମାନଙ୍କ ସହ ମହାବୀର ମନ୍ଦିର ଠାରେ ପ୍ରଭୁଙ୍କ ଆଶୀର୍ବାଦ କାମନା କରିଥିଲେ । ବାଲେଶ୍ୱରର ପାରମ୍ପରିକ ଆଖଡାର ଶସ୍ତ୍ର ପୂଜନ ଉତ୍ସବ କରାଯାଇଥିଲା ।
ପରେ ବିଭିନ୍ନ ଆଖଡ଼ା ସଂଘ ବାଡ଼ି ଖେଳ କରି ସହର ବୁଲିଥିଲେ । ଚଳିତ ବର୍ଷ ବାଡ଼ି ଖେଳ ଶାନ୍ତି ଶୃଙ୍ଖଳା ର ସହିତ ପାଳନ କରିବା ପାଇଁ ପ୍ରଶାସନ ପକ୍ଷରୁ ସମସ୍ତ ପୂଜା କମିଟି ଏବଂ ଆଖଡ଼ା ସଂଘ ମାନଙ୍କୁ ଶାନ୍ତି କମିଟି ବୈଠକ ରେ ଜଣାଇ ଦିଆଯାଇଥିଲା । ଶୋଭାଯାତ୍ରା ସମୟରେ ରାସ୍ତାରେ ଯାତାୟତ ର ସୁବିଧା ଏବଂ ଟ୍ରାଫିକ ନିୟନ୍ତ୍ରଣ ର ବ୍ୟବସ୍ଥା ପାଇଁ ସ୍ବେଚ୍ଛାସେବୀ ନିୟୋଜିତ କରାଯାଇଥିଲା । ସେହିପରି ରେମୁଣା ରେ ସରକାରୀ ଉପମୁଖ୍ୟ ସଚେତକ ତଥା ବିଧାୟକ ଶ୍ରୀଯୁକ୍ତ ଗୋବିନ୍ଦ ଚନ୍ଦ୍ର ଦାସ , ମହିଳା କମିଶନ ଅଧ୍ୟକ୍ଷା ଶ୍ରୀମତୀ ଶୋଭନା ମହାନ୍ତି ବାଡ଼ି ଖେଳ ରେ ଯୋଗଦେଇଥିଲେ । ବାଡ଼ି ଖେଳରେ ମହିଳା ମାନଙ୍କୁ ଖେଳିବା ପାଇଁ ସୁଯୋଗ ମିଳିଥାଏ ।
