ଉମରକୋଟ (ଭିଓଭି): ଚଳିତ ସାଧାରଣ ନିର୍ବାଚନରେ ବିଜେଡି ଆଗୁଆ ପ୍ରାଥୀ ଘୋଷଣା କରିଥିବା ବେଳେ ବିଜେପି କିମ୍ବା କଂଗ୍ରେସ ଏ ପର୍ଯ୍ୟନ୍ତ ପ୍ରାର୍ଥୀଙ୍କ ନାମ ଘୋଷଣା କରିନାହାନ୍ତି। ସାଧାରଣ ଅନୁମାନରୁ ବିଜେପି ବିଧାୟକ ନିତ୍ୟାନନ୍ଦ ଗଣ୍ଡଙ୍କୁ ପୁନର୍ବାର ପ୍ରାର୍ଥୀ ଓ କଂଗ୍ରେସ ସନରାଜ ଗଣ୍ଡଙ୍କ ଉପରେ ଆସ୍ଥା ପ୍ରକଟ କରିପାରନ୍ତି। ୨୦୧୯ ମସିହାରେ ହୋଇଥିବା ଓଡ଼ିଶା ବିଧାନସଭା ନିର୍ବାଚନରେ ସେ ଉମରକୋଟ ବିଧାନସଭା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ। ନବୀନା ନାୟକଙ୍କ ପ୍ରାର୍ଥୀତ୍ୱ ଘୋଷଣା ପରେ ଉମରକୋଟ ଓ ରାଇଘର ଅଞ୍ଚଳରେ ଆନନ୍ଦଭରା ମାହୋଲ ଦେଖିବାକୁ ମିଳିଥିଲା। ସମର୍ଥକମାନେ ଖୁସିରେ ବାଜା ବାଣର ତାଳେ ତାଳେ ପରସ୍ପର କୁ ମିଠା ବଣ୍ଟନ କରି ଅଭିନନ୍ଦନ ଜଣାଉଥିଲେ। ଉମରକୋଟ ସ୍ଥିତ ବାସ ଭବନରେ ଶୁଭେଚ୍ଛା ଜଣାଇବା ପାଇଁ ସମର୍ଥକଙ୍କ ପ୍ରବଳ ଭିଡ଼ଦେଖି ବାକୁ ମିଳିଥିଲା।ସମର୍ଥକମାନେ ଏକ ଶୋଭାଯାତ୍ରା ଜରିଆରେ ବିଧାୟକ ପ୍ରାର୍ଥୀନୀଙ୍କୁ ପାଛୋଟି ନେଇଥିବା ସହ ସହର ପରିକ୍ରମା କରିଥିଲେ। ନବୀନା ନାୟକ ବର୍ତ୍ତମାନ ରାଇଘର ପଂଚାୟତ ସମିତିର ଅଧ୍ୟକ୍ଷ ଥିବା ବେଳେ ରାଜନୈତିକ ପୃଷ୍ଠ ଭୂମିରୁ ସେ ଦଳିତ ସମାଜ ସହିତ ରାଜନୈତିକ ଜୀବନ ଆରମ୍ଭ କରିଥିଲେ। ଦଳିତ ସମାଜରେ ଥିବା ବେଳେ ସୁଦୃଢ ଜନ ସମ୍ପର୍କ ତଥା ବିଭିନ୍ନ କ୍ଷେତ୍ରରେ ସମ୍ମାନିତ ହେବା ସହ ରାଜନୀତି ଘରର ଝିଅ ଏବଂ ପୂର୍ବତନ ବିଧାୟକ ସୁବାସ ଗଣ୍ଡଙ୍କ ସ୍ତ୍ରୀ ଭାବେ ବେଶ ପରିଚିତ। ନିଜର ମିଷ୍ଟଭାଷୀ କଥା ବାର୍ତା ଓ ପରୋପକାରୀ ଗୁଣ ଯୋଗୁ ଅଞ୍ଚଳର ପ୍ରଥମ ପସନ୍ଦ ହୋଇ ପାରିଛନ୍ତି। ସେ ପଟେ ତାଙ୍କର ପ୍ରାର୍ଥୀ ଘୋଷଣା ହେବା ପରେ ବିଜେପି ଶିବିରରେ କମ୍ପନ ଦେଖିବାକୁ ମିଳିଛି। ବିଧାୟକ ନିତ୍ୟାନନ୍ଦ ଗଣ୍ଡ ଜଣେ ଉଚ୍ଚ ଶିକ୍ଷିତ ହୋଇ ଥିବା ବେକେ ଅଞ୍ଚକରେ ସେପରି କୌଣସି ଆଖିଦୃଶିଆ କାମ କରି ପାରି ନ ଥିବା ଯୋଗୁ ଅଞ୍ଚଳବାସୀଙ୍କ ମନ ମଧ୍ୟରେ ତାଙ୍କ ପ୍ରତି ଆଦର କମିବାରେ ଲାଗିଛି। ଜଣେ ଦୁଇ ଜଣ ହାତ ଗଣତି ନେତାଙ୍କୁ ଛାଡିଦେଲେ ପ୍ରାୟ ଅଧିକାଂଶ ନେତାଙ୍କ ସମର୍ଥନ ତାଙ୍କ ପ୍ରତି ନାହିଁ ବୋଲି ଚର୍ଚ୍ଚାର ବିଷୟ ପାଲଟିଛି। ବିଧାୟକଙ୍କ ଜନାଧାର ଦିନକୁ ଦିନ କମିବା ସହ ନବୀନାଙ୍କ ପ୍ରତି ସମର୍ଥନ ବଢିବା ବିଧାୟକ ନିତ୍ୟାନନ୍ଦଙ୍କ ପାଇଁ ଅଡୁଆ ସାବ୍ୟସ୍ତ ହେବା କଥାକୁ ଏଡାଇ ଦିଆ ଯାଇ ନ ପାରେ। ସେପଟେ ଦଳର ଗୋଷ୍ଠୀ କନ୍ଦଳ ଓ ବିଧାୟକ ଗୋଷ୍ଠୀଙ୍କ ଦବଦବା କିଛି ହାତ ଗଣତି ନେତାଙ୍କ ଇସାରାରେ ବିଧାୟକ କାମ କରୁଥିବା ଅଭିଯୋଗ ଦଳୀୟ ସମର୍ଥକ କରୁଥିବା ସହ ପାର୍ଟି ଲାଇନରୁ ଦୁରେଇ ରହି ଅଂଚଳର ବିକାଶ ପାଇଁ ନବୀନା ନାୟକଙ୍କ ପ୍ରତି ସମର୍ଥନ ବ୍ୟକ୍ତ କରୁଛନ୍ତୁ। ବିଧାୟକଙ୍କ ମନୋମାନୀ କାର୍ଯ୍ୟ ଯୋଗୁ ସଂଗଠନ ଦୁର୍ବଳ ହେବା କଥା ସମର୍ଥକଙ୍କ ମଧ୍ୟରେ ଆଲୋଚନାର ବିଷୟ ପାଲଟିଛି। ସେପଟେ ନବୀନା ନାୟକଙ୍କ ପ୍ରତି ବଢୁଥିବା ଜନ ସମର୍ଥନ ବିଜେପିର ଗୋଷ୍ଠୀ କନ୍ଦଳକୁ ସାମନାରେ ପକାଇଛି।
ନବୀନାଙ୍କ ଦଳୀୟ ଟିକେଟ ଘୋଷଣା ପରେ ବିଜେପି ଶିବିରରେ କମ୍ପନ
