ଭୁବନେଶ୍ୱର:ଆଜି ଲୋକସେବା ଭବନରେ ପାଦ ପାଦ ଦେଉ ଦେଉ ବୈଠକ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜି ଲୋକସେବା ଭବନରେ ଅନୁଷ୍ଠିତ ବିପର୍ଯ୍ୟୟ ମୁକାବିଲା ପ୍ରସ୍ତୁତି ବୈଠକରେ ଯୋଗଦେଇଛନ୍ତି ମୁଖ୍ୟମନ୍ତ୍ରୀ । ତେବେ ବୈଠକରେ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ ବିପର୍ଯ୍ୟୟ ମୁକାବିଲା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ସରକାର ମାଇକ୍ରୋ ପ୍ଲାନିଂ ପ୍ରସ୍ତୁତ କରୁଛନ୍ତି । ଏନେଇ ଅନେକ ପ୍ରସ୍ତାବ ଆସିଛି । ରାଜ୍ୟ ସରକାର ଲୋକଙ୍କ ରକ୍ଷାକବଚ ହେବେ । ପ୍ରାକୃତିକ ବିପର୍ଯ୍ୟୟର ମକାବିଲା ପାଇଁ ତ୍ରୁଟିଶୂନ୍ୟ ଯୋଜନା କରାଯିବ ବୋଲି ସୁରେଶ ପୂଜାରୀ କହିଛନ୍ତି । ଅନ୍ୟପକ୍ଷରେ ବୈଠକ ପରେ ମୁଖ୍ୟମନ୍ତ୍ରୀ ମୋହନଚରଣ ମାଝୀ କହିଛନ୍ତି ଯେ ଜିରୋ କାଜୁଆଲଟିକୁ ଅଧିକ ଗୁରୁତ୍ୱ ଦିଆଯାଇଛି । ସହରାଞ୍ଚଳରେ ଅଳ୍ପ ବର୍ଷାରେ ସୃଷ୍ଟି ହେଉଥିବା ବନ୍ୟା ସ୍ଥି୍ିତି ନିୟନ୍ତ୍ରଣ ପାଇଁ ଗୁରୁତ୍ୱ ଦିଆଯାଇଛି । ସହରାଞ୍ଚଳ ବନ୍ୟା ପରିସ୍ଥିତି ନିୟନ୍ତ୍ରଣ ପାଇଁ ୨୦୦ କୋଟି ପ୍ରସ୍ତାବ ଦିଆଯାଇଛି । ଟ୍ୱିନ ସିଟି କୃତ୍ରିମ ବନ୍ୟା ପରିଚାଳନା ପାଇଁ ଆଇଆଇଟିର ସହାୟତା ନିଆଯିବ । ଆଇଆଇଟି ବୈଷୟିକ ସହାୟତା ଓ ଦୀର୍ଘମିଆଦି ଯୋଜନା ପ୍ରସ୍ତୁତ କରିବ । ରାଜ୍ୟ, ଜିଲ୍ଲା ଓ ସବଡିଭିଜନସ୍ତରରେ ୨୪ ଘଣ୍ଟିଆ କଣ୍ଟ୍ରୋଲ ରୁମ ଖୋଲାଯିବ । ସାପ କାମୁଡ଼ା ବାବଦରେ ଆପ ମଧ୍ୟମରେ ଲୋକଙ୍କୁ ସଚେତନ କରାଯିବ । ୨୦ଟି ଓଡ୍ରାଫ ଟିମ ବୃଦ୍ଧି କରାଯାଇ ୩୦ କରାଯିବ । ବାହାନଗା ଭଳି ବିପର୍ଯ୍ୟୟ ମୁକାବିଲା ପାଇଁ ୫ଟି ଆଞ୍ଚଳିକ ଅଗ୍ନିଶମ ହବ ହେବ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ।
ସରକାର ଲୋକଙ୍କ ରକ୍ଷାକବଚ ହେବେ: ସୁରେଶ ପୂଜାରୀ
