ଅଧ୍ୟାପକ ସୂର୍ଯ୍ୟନାରାୟଣଙ୍କ ପରଲୋକ

ଭୁବନେଶ୍ବର: ପୁରୀ ସୂରଜମଲ ଶାହା ମହାବିଦ୍ୟାଳୟର ଦର୍ଶନ ବିଭାଗର ମୁଖ୍ୟ ଅଧ୍ୟାପକ ସୂର୍ଯ୍ୟନାରାୟଣ ପଟ୍ଟନାୟକଙ୍କ ପରଲୋକ ହୋଇଯାଇଛି । ଗତକାଲି ବିଳମ୍ବିତ ରାତିରେ ସତ୍ୟବାଦୀ ବ୍ଲକ୍ ଜୟପୁର ପଞ୍ଚାୟତ ମଠସାହିସ୍ଥିତ ବାସଭବନରେ ଅସୁସ୍ଥ ହୋଇ ପଡ଼ିଥିଲେ । ଚିକିତ୍ସା ନିମନ୍ତେ ତାଙ୍କୁ ପ୍ରଥମେ ସାକ୍ଷୀଗୋପାଳ ଡାକ୍ତରଖାନା ଓ ପରେ ଭୁବନେଶ୍ବର ସ୍ଥାନାନ୍ତର କରାଯାଉଥିବା ବେଳେ ତାଙ୍କର ପରଲୋକ ହୋଇଯାଇଥିଲା। ପୁରୀ ସ୍ଵର୍ଗଦ୍ଵାରଠାରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା। ପୁତ୍ର ସମ୍ବିତ କୁମାର ପଟ୍ଟନାୟକ ମୁଖାଗ୍ନି ଦେଇଥିଲେ। ସ୍ଵର୍ଗତ ପଟ୍ଟନାୟକ ତିନି ଦଶନ୍ଧିରୁ ଅଧିକ ସମୟ ଶିକ୍ଷାଦାନରେ ନିୟୋଜିତ ଥିଲେ। ସେ ଜଣେ ସ୍ନେହୀ ଓ ଛାତ୍ରବତ୍ସଳ ଅଧ୍ୟାପକ ଥିଲେ।