କଟକ, ଗାନ୍ଧି ପଲ୍ଲୀ ଯାଚକେଶ୍ଵର ମନ୍ଦିର ପ୍ରାଙ୍ଗଣରେ ଅବସ୍ଥିତ ପତଞଳି ଯୋଗ କେନ୍ଦ୍ର ଠାରେ ଯୋଗ ଶିକ୍ଷକ ସତ୍ୟ ରଞ୍ଜନ ଷଡ଼ଙ୍ଗୀଙ୍କ ପୌରହିତ୍ୟରେ ସମ୍ବିଧାନ ଦିବସ ପାଳିତ ହୋଇଯାଇଛି। ଅନ୍ୟମାନଙ୍କ ମଧ୍ୟରେ ମହାନଦୀ ବିହାର ମହିଳା ମହାବିଦ୍ୟାଳୟର ଅଧ୍ୟାପିକା କସ୍ତୁରୀ ବେହେରା, ସ୍ୱାଗତିକା ମହାନ୍ତି, ଲୋପାମୁଦ୍ରା ପ୍ରିୟଦର୍ଶିନୀ, ମୋନାଲିସା ପୃଷ୍ଟି, ଶୁଭଶ୍ରୀ ଆଚାର୍ଯ୍ୟ, ଖୁଲଣା ବଳ, ପ୍ରେମଲତା ମହାକୁଡ଼, ଗୋଲେଖ ପ୍ରଧାନ, ସୁଦାମ ମହାକୁଡ଼ ଓ ମହିଳା ମହାବିଦ୍ୟାଳୟର ଏନଏସଏସ ସ୍ବେଚ୍ଛାସେବୀମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ଏହି ଅବସରରେ ରାଷ୍ଟ୍ରୀୟ ସଂଗୀତ ଗାନ, ଦେଶାତ୍ମବୋଧକ ଯୋଗ ନୃତ୍ୟ ପରିବେଷଣ ସହ ସମ୍ବିଧାନ ପ୍ରଣେତା ଡ଼ ଭୀମରାଓ ଆମ୍ବେଦକରଙ୍କ ଅବଦାନ ଉପରେ ଆଲୋକପାତ କରାଯାଇଥିଲା। ଗାନ୍ଧି ପଲ୍ଲୀ ଉନ୍ନୟନ ସମିତିର ସଭାପତି ରବିନ୍ଦ୍ର ମହାରଣା ଧନ୍ୟବାଦ ଦେଇଥିଲେ।
