ଭୁବନେଶ୍ୱର : ସିଏମଓରୁ ଦୁଇ ଫାଇଲ ହଜିବା ଘଟଣାରେ ପୋଲିସର ତଦନ୍ତ ଆରମ୍ଭ । କ୍ୟାପିଟାଲ ଥାନା ଅଧିକାରୀ ଲୋକସେବା ଭବନରେ ଗୃହ ବିଭାଗର ଯୁଗ୍ମ ସଚିବ ଶରତ ଚନ୍ଦ୍ର ମାରାଣ୍ଡିଙ୍କ ଠାରୁ ତଥ୍ଯ ନେଇଛନ୍ତି । କ୍ୟାପିଟାଲ ଥାନାରେ FIR ପରେ ଖୋଳତାଡ଼ ଆରମ୍ଭ । ଭାରତୀୟ ନାଗରିକ ସୁରକ୍ଷା ସଂହିତା ଅନୁଯାୟୀ କ୍ୟାପିଟାଲ ଥାନା ପୋଲିସ କିଛି ଗୁରୁତ୍ବପୂର୍ଣ୍ଣ ଦିଗ ପ୍ରତି ଦୃଷ୍ଟି ଦେବ । ପ୍ରଥମେ କର୍ମଚାରୀଙ୍କ ବୟାନ ରେକର୍ଡ ହେବ। CMO ଏବଂ ଗୃହ ବିଭାଗର ଯେଉଁ ଅଧିକାରୀ ବା କାର୍ଯ୍ୟାଳୟ ସହାୟକ ଏହି ଫାଇଲ୍ ଗୁଡ଼ିକୁ ହ୍ୟାଣ୍ଡେଲ କରୁଥିଲେ ସେମାନଙ୍କୁ ପଚରାଉଚରା କରାଯିବ ।
ଏହା ପରେ ଡିଜିଟାଲ ଓ ଫିଜିକାଲ ଟ୍ରେଲ୍ ହେବ । ଫାଇଲ୍ ମୁଭମେଣ୍ଟ ରେଜିଷ୍ଟର, ରିସିଭିଂ ଆକନଲେଜମେଣ୍ଟ ଏବଂ ସେକ୍ରେଟେରିଏଟ୍ ର ସିସିଟିଭି ଫୁଟେଜ୍ ଯଦି ଉପଲବ୍ଧ ଥାଏ ର ଯାଞ୍ଚ ହେବ।ଏହି ମାମଲାରେ BNSର ଧାରା ୩୧ Criminal Breach of Trust / ବିଶ୍ୱାସଘାତକତା ଲାଗୁ ହୋଇପାରେ। ସରକାରୀ ଅଧିକାରୀଙ୍କ କ୍ଷେତ୍ରରେ ଏଥିପାଇଁ ୧୦ ବର୍ଷ କାରାଦଣ୍ଡର ପ୍ରାବଧାନ ରହିଛି। ଏହା ସହିତ ଦସ୍ତାବିଜ୍ ନଷ୍ଟ କରିବା (Mischief) ଏବଂ ସରକାରୀ ରେକର୍ଡ ଆକ୍ଟ, ୧୯୯୩ ର ବିଭିନ୍ନ ଧାରା ଲାଗୁ ହୋଇପାରେ।
ରିପୋର୍ଟ ଗାଏବକୁ ନେଇ ଶାସକ ବିଜେପି ସରକାର ପୂର୍ବତନ ବିଜେଡି ସରକାରଙ୍କୁ ଘେରିବା ଆରମ୍ଭ କରିଥିବା ବେଳେ ବିରୋଧୀ ଏହାର ସତ୍ୟତା ଓ କ୍ରୋନୋଲୋଜି ଉପରେ ପ୍ରଶ୍ନ ଉଠାଇଛନ୍ତି। ଯଦିଓ ଏହି ମାମଲାରେ ପ୍ରାଥମିକ ଭାବେ କାହାର ନାଁ ସାମ୍ନାକୁ ଆସିନାହିଁ, ତଥାପି ଯଦି କୌଣସି ଷଡ଼ଯନ୍ତ୍ରର ବୁଢ଼ିଆଣୀ ଜାଲ ମିଳେ ତେବେ ଏହି ମାମଲା ରାଜ୍ୟ କ୍ରାଇମ ବ୍ରାଞ୍ଚ ହାତକୁ ଯାଇପାରେ।
