ପାକିସ୍ତାନ: ପାକିସ୍ତାନ ପେଟ୍ରୋଲ ଓ ଡିଜେଲ ସଂରକ୍ଷଣ କରିବାକୁ ଅନେକ ନିଷ୍ପତ୍ତି ଲାଗୁ କରିଛି । ପାକିସ୍ତାନର ରାଜଧାନୀ ଇସଲାମାବାଦରେ ଏବେ ସମସ୍ତ ଦୋକାନ, ବଜାର, କିରାଣା ଷ୍ଟୋର, ଗ୍ରୋସରୀ ଏବଂ ଜେନେରାଲ ଷ୍ଟୋର, ସପିଂ ମଲ୍ ପୁରା ସପ୍ତାହ ରାତି ୯ ଟା ସୁଦ୍ଧା ବନ୍ଦ ହୋଇଯିବ । ବିବାହ ହଲ୍ ଏବଂ ମ୍ୟାରେଜ୍ ଟେଣ୍ଟ ରାତି ୧୦ ଟା ସୁଦ୍ଧା ବନ୍ଦ ହୋଇଯିବାକୁ ଗୁରୁତ୍ବ ଦିଆଯାଇଛି । ରେଷ୍ଟୁରାଣ୍ଟ ଏବଂ ଖାଇବା ପିଇବା ସ୍ଥାନ ୧୧ଟା ମଧ୍ୟ ବନ୍ଦ ହୋଇଯିବ । ଏହା ବ୍ୟତୀତ ବିବାହ ଉତ୍ସବରେ କେବଳ ଗୋଟିଏ ଖାଦ୍ୟକୁ ଅନୁମତି ଦିଆଯିବ । ପାକିସ୍ତାନ ସରକାର ସରକାରୀ ରାତ୍ରୀଭୋଜନ ଉପରେ ମଧ୍ୟ ନିଷେଧ କରିଛନ୍ତି ।
ପାକିସ୍ତାନ ଇରାନ୍ ଯୁଦ୍ଧ ଯୋଗୁଁ ଭୟଙ୍କର ଇନ୍ଧନ ସଙ୍କଟ ଦେଖିବାକୁ ମିଳିଛି । ଏହି ନୂତନ କଟକଣା ପଦକ୍ଷେପଗୁଡ଼ିକ ବର୍ତ୍ତମାନ କେବଳ ଇସଲାମାବାଦରେ ସୀମିତ କିନ୍ତୁ ସଂଘୀୟ ସରକାର ରାଜ୍ୟଗୁଡିକୁ ମଧ୍ୟ ଏହାକୁ ଗ୍ରହଣ କରିବାକୁ ଅନୁରୋଧ କରିଛନ୍ତି । କେବଳ ଏତିକି ନୁହେଁ ପାକିସ୍ତାନରେ ଗ୍ରହଣ କରାଯାଇଥିବା ନୂତନ ପଦକ୍ଷେପଗୁଡିକରେ ସରକାରୀ ଯାନବାହନ କ୍ରୟ ଉପରେ ସମ୍ପୂର୍ଣ୍ଣ ନିଷେଧ ଏବଂ ସରକାରୀ ଯାନବାହନ ପାଇଁ ଇନ୍ଧନ ଆବଣ୍ଟନରେ ୫୦% ହ୍ରାସ ଅନର୍ଭୁକ୍ତ । ତେଣୁ ଖର୍ଚ୍ଚ ସଞ୍ଚୟ କରିବାକୁ ପାକିସ୍ତାନ ସଂଘୀୟ ସରକାରୀ କର୍ମଚାରୀଙ୍କ ବିଦେଶ ଯାତ୍ରା ଉପରେ ୩ ମାସ ପାଇଁ ପ୍ରତିବନ୍ଧକ ଲଗାଇଛି । ଇରାନ ଯୁଦ୍ଧ, ଅବନତିଶୀଳ ଅର୍ଥନୀତି ଏବଂ ଋଣ ପାକିସ୍ତାନକୁ ଘୋର ସଙ୍କଟରେ ପକାଇଛି । ତେଣୁ, ପାକିସ୍ତାନ ସରକାରଙ୍କୁ ଏହି ନିଷ୍ପତ୍ତି ନେବାକୁ ପଡିଛି ।
ମାର୍ଚ୍ଚ ମାସରେ ଆମେରିକା-ଇରାନ ଯୁଦ୍ଧ ଆରମ୍ଭ ହେବା ପରେ ପାକିସ୍ତାନ ସ ସମାନ କଟକଣା ଲାଗୁ କରିଥିଲା । ଇସଲାମାବାଦ ଦୁଇ ସପ୍ତାହ ପାଇଁ ସ୍କୁଲ ବନ୍ଦ କରିଥୁଲା, ସରକାରୀ ଅଧିକାରୀଙ୍କ ପାଇଁ ଇନ୍ଧନ ବ୍ୟବହାର ହ୍ରାସ କରିଥିଲା ଏବଂ ଇନ୍ଧନ ସଞ୍ଚୟ କରିବା ଏବଂ ସରକାରୀ ଖର୍ଚ୍ଚ ହ୍ରାସ କରିବା ପାଇଁ ଅଫିସ କର୍ମଚାରୀମାନଙ୍କୁ ଘରୁ କାମ କରିବାକୁ କହିଥିଲେ । ଏବେ ପାକିସ୍ତାନ ପୁଣି ସମାନ ପଦକ୍ଷେପ ଗ୍ରହଣ କରୁଛି ।
ପାକିସ୍ତାନ ସରକାରଙ୍କ କ୍ୟାବିନେଟ୍ ବିଭାଗ ଗୁରୁବାର ଏକ ବିଜ୍ଞପ୍ତି ଜାରି କରିଛି ଏବଂ ପଦକ୍ଷେପଗୁଡ଼ିକ ତୁରନ୍ତ କାର୍ଯ୍ୟକାରୀ କରିଛି । ଇନ୍ଧନ ବ୍ୟବହାର ହ୍ରାସ ଏବଂ ସଂଘୀୟ ଅଧିକାରୀଙ୍କ ପାଇଁ ବିଦେଶ ଯାତ୍ରା ଉପରେ ପ୍ରତିବନ୍ଧକ ସମେତ କିଛି କଟକଣା ଅତି କମରେ ତିନି ମାସ ପାଇଁ ବଳବତ୍ତର ରହିବ । ସାଧାରଣ ଲୋକଙ୍କୁ ପ୍ରଭାବିତ କରୁଥିବା ପଦକ୍ଷେପ ଅନୁଯାୟୀ, ପାକିସ୍ତାନ ସରକାର ନିର୍ଦ୍ଦେଶ ଦେଇଛନ୍ତି ଯେ ସମସ୍ତ ବିବାହ ସମ୍ବନ୍ଧୀୟ କାର୍ଯ୍ୟକ୍ରମ ଏବଂ କାର୍ଯ୍ୟକ୍ରମରେ କେବଳ ଗୋଟିଏ ଖାଦ୍ୟ ପରିବେଷଣ କରାଯିବା ଉଚିତ । ସରକାର ବାଣିଜ୍ୟିକ ପ୍ରତିଷ୍ଠାନଗୁଡ଼ିକ ପାଇଁ ପୂର୍ବରୁ ବନ୍ଦ ସମୟ ମଧ୍ଯ ଘୋଷଣା କରିଛନ୍ତି । ଦୋକାନ, ବଜାର, ସପିଂ ମଲ୍, ବିଭାଗୀୟ ଏବଂ କିରାଣା ଦୋକାନଗୁଡ଼ିକୁ ରାତି ୨ ଟା ସୁଦ୍ଧା ବନ୍ଦ କରିବାକୁ ପଦକ୍ଷେପ ନିଆଯାଇଛି । ବିବାହ ହଲ୍ ଏବଂ ମ୍ୟାରେଜ୍ ଟେଣ୍ଟ ରାତି ୧୦ ଟା ସୁଦ୍ଧା ବନ୍ଦ ହୋଇଯିବାକୁ ଗୁରୁତ୍ବ ଦିଆଯାଇଛି । ରେଷ୍ଟୁରାଣ୍ଟ ଏବଂ ଖାଇବା ପିଇବା ସ୍ଥାନ ୧୧ଟା ମଧ୍ୟ ବନ୍ଦ ହୋଇଯିବ । ହେଲେ ଟେକଆୱେ ଏବଂ ହୋମ୍-ଡେଲିଭରି ସେବାଗୁଡିକ ଏହି କଟକଣାରୁ ମୁକ୍ତ ।
ଅନ୍ୟପଟେ ପାକିସ୍ତାନ କହିଛି ଯେ, ଚଳିତ ଆର୍ଥିକ ବର୍ଷରେ କର୍ମଚାରୀଙ୍କ ସହ ଜଡିତ ଖର୍ଚ୍ଚ ବ୍ୟତୀତ ଅନ୍ୟାନ୍ୟ ଖର୍ଚ୍ଚ ପ୍ରତିମାସରେ ୫% ହ୍ରାସ କରାଯିବ । ଏହି ନିୟମ ପାକିସ୍ତାନର ବିଦେଶୀ ମିଶନ ଏବଂ ବିଦେଶରେ ନିଯୁକ୍ତ ଅଧିକାରୀଙ୍କ ପାଇଁ ମଧ୍ୟ ପ୍ରଯୁଜ୍ୟ। ଉନ୍ନୟନ ପ୍ରକଳ୍ପଗୁଡ଼ିକୁ ଖର୍ଚ୍ଚ କାଟରୁ ମୁକ୍ତ ରଖାଯାଇଛି । ସରକାର ଅତ୍ୟାବଶ୍ୟକୀୟ ଯାତ୍ରା ସମେତ ତିନି ମାସ ପାଇଁ ବିଦେଶ ଗସ୍ତ ଏବଂ ଯାତ୍ରା ଉପରେ ସମ୍ପୂର୍ଣ୍ଣ ନିଷେଧ ଘୋଷଣା କରିଛନ୍ତି । ଯେଉଁଥିରେ ବିଦେଶ ଯାତ୍ରା ଜରୁରୀ, ସେଠାରେ ସରକାରୀ ପ୍ରତିନିଧି ଏବଂ ଅଧିକାରୀମାନଙ୍କୁ ଇକୋନୋମି କ୍ଲାସରେ ଯାତ୍ରା କରିବାକୁ ନିର୍ଦ୍ଦେଶ ଦିଆଯାଇଛି । ଏହି କଟକଣା ମନ୍ତ୍ରୀ, ପରାମର୍ଶଦାତା, ରାଜ୍ୟମନ୍ତ୍ରୀ, ପ୍ରଧାନମନ୍ତ୍ରୀଙ୍କ ସ୍ୱତନ୍ତ୍ର ସହାୟକ, ସାଂସଦ ଏବଂ ସରକାରୀ ଅଧିକାରୀଙ୍କ ଉପରେ ପ୍ରଯୁଜ୍ୟ ।
ଏଥିସହ ପାକିସ୍ତାନ ମଧ୍ୟ ସରକାରୀ ରାତ୍ରୀଭୋଜନ ଉପରେ ନିଷେଧ କରିଛି, କିନ୍ତୁ ବିଦେଶୀ ପ୍ରତିନିଧିମଣ୍ଡଳୀ ସହିତ ଜଡିତ କାର୍ଯ୍ୟକ୍ରମ ପାଇଁ ଛାଡ ଦିଆଯାଇଛି । ପାକିସ୍ତାନ ଏହାର ସରକାରୀ ବିଭାଗଗୁଡ଼ିକୁ ସହର ମଧ୍ୟରେ ଅନୁଷ୍ଠିତ ବୈଠକ ବ୍ୟତୀତ ଅଧିକାଂଶ ବୈଠକ ଟେଲିକନଫରେନ୍ସ ମାଧ୍ୟମରେ କରିବାକୁ ନିର୍ଦ୍ଦେଶ ଦେଇଛି । ସରକାରଙ୍କ ଦ୍ୱାରା ଅନୁଦାନପ୍ରାପ୍ତ ସେମିନାର, ତାଲିମ ଅଧିବେଶନ ଏବଂ ସମ୍ମିଳନୀଗୁଡ଼ିକୁ ମଧ୍ୟ ସ୍ଥଗିତ ରଖାଯାଇଛି ।
