ପୁରୀ : ୪ଟା ପୂର୍ବରୁ ହେବ ରଥ ଟଣା । ଆଡ଼ପ ମଣ୍ଡପରେ ଆଜି ଶେଷ ଦର୍ଶନ ଦେବେ ମହାପ୍ରଭୁ । ସଂଧ୍ୟା ଦର୍ଶନ ପାଇଁ ଗୁଣ୍ଡିଚା ମନ୍ଦିରରେ ଲାଗିଛି ପ୍ରବଳ ଭକ୍ତଙ୍କ ସମାଗମ । ସଂଧ୍ୟା ୬ଟା ଯାଏଁ ଚାଲିବ ସଂଧ୍ୟା ଦର୍ଶନ ବୋଲି ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ ।
ସେ ଆହୁରି ମଧ୍ୟ କହିଛନ୍ତି ଯେ, ଆଡ଼ପ ମଣ୍ଡପରେ ଆଜି ମହାବାହୁ ଶେଷ ଦର୍ଶନ ଦେବେ। ସନ୍ଧ୍ୟା ଦର୍ଶନ ପାଇଁ ଗୁଣ୍ଡିଚା ମନ୍ଦିରରେ ଲାଗିଛି ପ୍ରବଳ ଭକ୍ତଙ୍କ ସମାଗମ। ସନ୍ଧ୍ୟା ୬ଟା ଯାଏଁ ଚାଲିବ ସନ୍ଧ୍ୟା ଦର୍ଶନ। ଦର୍ଶନ ବନ୍ଦ ପରେ ଗୁଣ୍ଡିଚା ମନ୍ଦିରକୁ ଶୋଧ କରାଯିବ। ଶୁକ୍ରବାର ବାହୁଡ଼ା ଯାତ୍ରା ପାଇଁ ସମସ୍ତ ପ୍ରସ୍ତୁତି କରାଯାଇଛି। ଚୂଡାନ୍ତ ନୀତି ନିର୍ଘଣ୍ଟର ଯଥେଷ୍ଟ ପୂର୍ବରୁ ନୀତି ସାରିବାକୁ ଲକ୍ଷ୍ୟ ରଖାଯାଇଛି।
ସେହିପରି ନୀତିକାନ୍ତି ଠିକ୍ ଭାବେ ଚାଲିଲେ ୪ଟା ପୂର୍ବରୁ ରଥଟଣା ଯିବ। ଅନୁକୂଳ ପାଗ ଯୋଗୁଁ ପ୍ରବଳ ଭକ୍ତଙ୍କ ସମାଗମ ହୋଇଛି। ବାହୁଡ଼ା ଯାତ୍ରା ପାଇଁ ସମସ୍ତ ସେବାୟତ ନିଯୋଗ ସହିତ ଉତ୍ତମ ସମନ୍ବୟ ରଖାଯାଇଛି। ବାହୁଡ଼ା ଯାତ୍ରାକୁ ସୁରୁଖୁରୁରେ କରିବା ପାଇଁ ସମସ୍ତ ପଦକ୍ଷେପ ନିଆଯାଉଛି ।
