କଟକ : ସେକେଣ୍ଡାରି ବୋର୍ଡ ହାଇସ୍କୁଲ ପୁରାତନ ଛାତ୍ର ସଂସଦ ପକ୍ଷରୁ ବିଦ୍ୟାଳୟର ୧୯୯୩ ବ୍ୟାଚ୍ ଛାତ୍ରୀ. ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟର ଯୁଗ୍ମ ନିର୍ଦ୍ଦେଶିକା ତଥା ଭୁବନେଶ୍ବର ୟୁନିଟ-୨ ହାଇସ୍କୁଲ୍ ପୂର୍ବତନ ପ୍ରଧାନଶିକ୍ଷୟିତ୍ରୀ ଜୁଲି ମଙ୍ଗରାଜ(୪୭)ଙ୍କ ଅକାଳ ବିୟୋଗରେ ଏକ ଶୋକସଭା ସଂସଦ ସଭାଗୃହରେ ଆୟୋଜିତ ହୋଇଛି।
ପୁରାତନ ଛାତ୍ର ସଂସଦ ସଭାପତି ନିଶିକାନ୍ତ ମିଶ୍ରଙ୍କ ପୌରୋହିତ୍ୟରେ ଆୟୋଜିତ ଶୋକସଭାରେ ଉପସଭାପତି କବି ଡାକ୍ତର ଅମୀୟ ରଞ୍ଜନ ମହାପାତ୍ର, ଯୁଗ୍ମ ସଂପାଦକ ଆଇନଜୀବୀ କୈଳାସ ଚନ୍ଦ୍ର ଶତପଥୀ, ରଶ୍ମିରଞ୍ଜନ ସ୍ବାଇଁ, ପୁଣ୍ୟଶ୍ଳୋକ ଦାସ, ରାନୁ ଦାସ, ମନୋଜ କୁମାର ସାହୁ, ୧୯୯୩ ବ୍ୟାଚ୍ ଛାତ୍ରଛାତ୍ରୀ ରଞ୍ଜିତ ରାଉତ, ଦୀପଙ୍କର ମହାନ୍ତି, ଅଶୋକ ବେହେରା, କ୍ଷୀରୋଦ ମିଶ୍ର, ସୁଧୀର ପରିଡ଼ା, ବାଣୀପ୍ରସାଦ ମିଶ୍ର, ଦେବୀ ପ୍ରସାଦ ଶର୍ମା, ହରପ୍ରସନ୍ନ ନାୟକ, ସନ୍ଦିପନୀ ପଟ୍ଟନାୟକ, ବୁଦ୍ଧ ବିନୟ ପ୍ରମୁଖ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ବୋର୍ଡର ପୂର୍ବତନ ପ୍ରଧାନଶିକ୍ଷକ ଦୈତ୍ୟାରୀ ସାହୁ, ପ୍ରାକ୍ତନ ଶିକ୍ଷକ କାଳୀପ୍ରସନ୍ନ ଶତପଥୀ, ନାରାୟଣ ସାହୁ, ପ୍ରଧାନଶିକ୍ଷକ ଅଶୋକ କୁମାର ଶତପଥୀ, ବିଷ୍ଣୁପ୍ରିୟ ଦେବୀ ପ୍ରମୁଖ ଆଭାସୀ ମାଧ୍ୟମରେ ସ୍ବର୍ଗତ ଜୁଲିଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇଥିଲେ |
