ପାଟଣା, ୨୦ | ୦୮ – ବିପଦ ସାଜିଛି ଅର୍ଦ୍ଧ ନିର୍ମିତ ଘର । ବାଲିପାଟଣା ଶିକ୍ଷା ମଣ୍ଡଳ ଓଡ଼ଖଣ୍ଡ ଉଚ୍ଚ ମାଧ୍ୟମିକ ବିଦ୍ୟାଳୟର ଅର୍ଦ୍ଧ ନିର୍ମିତ ଶ୍ରେଣୀ ଗୃହ ଛାତ୍ରଛାତ୍ରୀ ଏବଂ ଶିକ୍ଷକ ଶିକ୍ଷୟତ୍ରୀଙ୍କ ପାଇଁ ବିପଦ ସାଜିଛି | ଗୃହ ଟିକୁ ସଂପୃକ୍ତ ଠିକାଦାର ଅଧପାନ୍ତରିଆ କରି ଛାଡି ଦେଇଛନ୍ତି । ବିଧାୟକ ପାଣ୍ଠିରୁ ୨୦ ୨୩ – ୨୪ ଆର୍ଥିକ ବର୍ଷରେ ୭ ଲକ୍ଷ ଟଙ୍କା ଏବଂ ୨୦୨୪ -୨୫ ଆର୍ଥିକ ବର୍ଷରେ ୫ ଲକ୍ଷ ଟଙ୍କା ମଞ୍ଜୁର ହୋଇଥିଲା ।
ସଂପୃକ୍ତ ଠିକାଦାର କାର୍ଯ୍ୟଟି କୁ ଆରମ୍ଭ କରି ଛାତ ପର୍ଯ୍ୟନ୍ତ ନିର୍ମାଣ କରିଛନ୍ତି । ମାତ୍ର ଛାତ ନ ପକାର ଛାଡି ଦେଇଛନ୍ତି । ଯାହା ଫଳରେ ଉକ୍ତ ଅଧପାନ୍ତରିଆ ଗୃହ ରେ ଗଛଲତା ଚଢି ଚାଲାଣି ଏବଂ ସରୀସୃପ ବସା ବାନ୍ଧିଲେଣି । ଛାତ୍ରଛାତ୍ରୀ ସେହି ବାଟ ଦେଇ ଯିବା ଆସିବାରେ ଭୟଭୀତ ହେଉଛନ୍ତି । ଏ ନେଇ ବ୍ଳକ୍ ପ୍ରଶାସନ କୁ ବାରମ୍ବାର ଲିଖିତ ଅଭିଯୋଗ କଲେ ମଧ୍ୟ ସୁଫଳ ମିଳୁପାରୁ ନାହିଁ । ଯଥାଶିଘ୍ର ଉକ୍ତ ଶ୍ରେଣୀ ଗୃହକୁ ସମ୍ପୂର୍ଣ୍ଣ କରିବାକୁ ଛାତ୍ରଛାତ୍ରୀ ମାନେ ଦାବୀ କରିଛନ୍ତି ।
