ଅରୁଣାଞ୍ଚଳ ପ୍ରଦେଶ : ଆଜି ସକାଳେ ଭାରତରେ ପୁଣି ଭୂକମ୍ପର ଝଟକା ଅନୁଭୂତ । ଭାରତର ଅରୁଣାଞ୍ଚଳ ପ୍ରଦେଶର ଉପର ସିଆଙ୍ଗ ଅଞ୍ଚଳରେ ଭୂକମ୍ପ ଅନୁଭୂତ ହୋଇଛି । ଯାହାର ତୀବ୍ରତା ୩.୨ ରହିଥିବା ଜଣାପଡିଛି ।
ସୂଚନାନୁଯାୟୀ, ଭୂକମ୍ପ ଆଜି ସକାଳ ୩:୧:୧୭ରେ ଅନୁଭୂତ ହୋଇଥିଲା ବୋଲି NSC ସୂଚନା ଦେଇଛନ୍ତି । ଏହାର କେନ୍ଦ୍ରସ୍ଥଳ ଅରୁଣାଞ୍ଚଳ ପ୍ରଦେଶର ସିଆଙ୍ଗରେ ଥିଲା । ଯାହାର ଗଭୀରତା ୧୦ କିଲୋମିଟରରେ ଥିଲା । ଭୂକମ୍ପର ଅକ୍ଷାଂଶ ୨୯.୬ ଏବଂ ଦ୍ରାଘିମା ୯୪.୪୫ରେ ଅନୁଭୂତ ହୋଇଥିଲା । କୌଣସି ମୃତାହତ କିମ୍ବା ସମ୍ପତ୍ତି କ୍ଷୟକ୍ଷତିର କୌଣସି ସୂଚନା ନାହିଁ ।
ନିକଟରେ ରବିବାର ଗୁଜରାଟ କଚ୍ଛ ଜିଲ୍ଲାରେ ୩.୧ ତୀବ୍ରତାର ଭୂକମ୍ପ ଅନୁଭୂତ ହୋଇଥିଲା । ଅପରାହ୍ଣ ୧୨.୪୧ରେ ଭୂକମ୍ପ ଅନୁଭୂତ ହୋଇଥିଲା । ଯାହାର କେନ୍ଦ୍ରସ୍ଥଳ ଭାଚାଉରୁ ପ୍ରାୟ ୧୨ କିଲୋମିଟର ଉତ୍ତର-ପୂର୍ବରେ ଥିଲା । ଜୀବନ କିମ୍ବା ସମ୍ପତ୍ତି କ୍ଷୟକ୍ଷତିର କୌଣସି ସୂଚନା ନାହିଁ ବୋଲି ଜିଲ୍ଲା ବିପର୍ଯ୍ୟୟ ପରିଚାଳନା ଅଧିକାରୀ କହିଥିଲେ ।
