ବଡ଼ବିଲ: କେନ୍ଦୁଝର ଜିଲ୍ଲା ବଡ଼ବିଲ ଥାନା ଅନ୍ତର୍ଗତ ଷ୍ଟେସନ ରୋଡ ସ୍ଥିତ ଏକ ଗ୍ୟାରେଜ ରେ ଉକ୍ତ ଗ୍ୟାରେଜ ମାଲିକ ତଥା ମେକାନିକ୍ ମହମ୍ମଦ ସାଗିର ଆତ୍ମହତ୍ୟା କରିଥିବା ବେଳେ କାରଣ ଅସ୍ପଷ୍ଟ ରହିଛି। ଆଜି ତାଙ୍କ ଜଣେ କର୍ମଚାରୀ ଗ୍ୟାରେଜ୍ କୁ ଆସିବା ପରେ ସାଗିର ଫାଶୀ ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ । ତେବେ ଆତ୍ମହତ୍ୟା କରିଥିବା ଦେଖି ସଙ୍ଗେ ସଙ୍ଗେ ଆଖପାଖ ଲୋକ ସହ ପୋଲିସକୁ ଖବର ଦେଇଥିଲେ।
ଖବର ପାଇ ବଡ଼ବିଲ ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିବା ସହ ବ୍ୟବଚ୍ଛେଦ ପାଇଁ ବଡବିଲ ମେଡିକାଲ ପଠାଇ ଅଧିକ ତଦନ୍ତ ଜାରି ରଖିଥିବା ଜଣାପଡିଛି। ପରିବାରର ଏକ ମାତ୍ର ରୋଜଗାରିଆ ଭାବରେ ପରିବାର ପ୍ରତିପୋଷଣ କରୁଥିବା ବେଳେ ଏବେ ରୋଜଗାରିଆ ଯୁବକକୁ ହରାଇ ପରିବାର ଲୋକେ ବେସାହାରା । ମୃତ ଯୁବକ କାହିଁକି ଆତ୍ମହତ୍ୟା କରିବା ପାଇଁ ଏପରି ରାସ୍ତା ବାଛିଲେ ତାହା ତଦନ୍ତ ପରେ ଜଣାପଡ଼ିବ ବୋଲି ପୋଲିସ ପକ୍ଷରୁ ସୂଚନା ମିଳିଛି।
