୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣ, ପହଲଗାମ ଆତଙ୍କୀ ଆକ୍ରମଣ ଓ ଦିଲ୍ଲୀ ଲାଲକିଲ୍ଲା ବିସ୍ଫୋରଣରେ ପ୍ରାଣ ହରାଇଥିବା ନିରୀହ ଲୋକଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ବଲିଉଡ ସୁପରଷ୍ଟାର ଶାହରୁଖ ଖାନ୍। ଗ୍ଲୋବାଲ୍ ପିସ୍ ଅନର୍ସ କାର୍ଯ୍ୟକ୍ରମରେ ଆତଙ୍କୀ ଆକ୍ରମଣରେ ସହିଦ ସାହସୀ ସୁରକ୍ଷାକର୍ମୀଙ୍କୁ ବି ସସମ୍ମାନ ପ୍ରଣାମ ଜଣାଇଛନ୍ତି ।
୧୪୦ କୋଟି ଲୋକଙ୍କ ଆଶୀର୍ବାଦ ସୁରକ୍ଷାକର୍ମୀଙ୍କ ରୋଜଗାର ବୋଲି ସେ କହିଛନ୍ତି। ସମସ୍ତେ ଏକାଠି ହୋଇ ଶାନ୍ତି ଦିଗରେ ପାଦ ବଢ଼ାଇବା ଉପରେ ଗୁରୁତ୍ବ ଦେଇଛନ୍ତି । ଜାତି, ଧର୍ମ ଓ ଆମ ଚାରିପାଖରେ ଥିବା ଭେଦଭାବକୁ ଭୁଲି ମାନବିକତାର ପଥରେ ଚାଲିବା,ଦେଶର ଶାନ୍ତି ପାଇଁ ଆମ ବୀରମାନଙ୍କର ବଳିଦାନ ଯେପରି ବ୍ୟର୍ଥ ନଯାଏ ସେ ନେଇ କାମ କରିବା ଉପରେ ଶାହରୁଖ ଗୁରୁତ୍ବ ଦେଇଛନ୍ତି
