ଭୁବନେଶ୍ୱର: ବିଜେପି ନେତା ବି ବିଜେଡି ସମ୍ପର୍କରେ ଅଛନ୍ତି । ସେମାନେ ବି ବିଜେଡିରେ ମିଶିବାକୁ ଚାହୁଁଛନ୍ତି । ଆଗକୁ ବଡ଼ ହଲଚଲ ହେବ ବୋଲି ବିଜେଡି ନେତା ଦେବୀପ୍ରସାଦ ମିଶ୍ର କହିଛନ୍ତି । ବିଜେଡିର ବିଧାୟକ ଓ ପୂର୍ବତନ ବିଧାୟକ ବିଜେପି ସମ୍ପର୍କରେ ରହିଥିବା ବିଜେପି ସାଂସଦ ସୁକାନ୍ତ ପାଣିଗ୍ରାହୀ କହିବା ପରେ ଶ୍ରୀ ମିଶ୍ର କାଉଣ୍ଟର କରି ଏହା କହିଛନ୍ତି । ବିଜେପି ସରକାର ଗଠନ ହେବା ପରେ ଦୁଇ ଦୁଇ ଜଣ ବିଜେଡି ସାଂସଦ ବିଜେପିରେ ମିଶିସାରିଛନ୍ତି । ତେବେ ଆଗକୁ ବିସ୍ଫୋରଣ ହେବ ବୋଲି ବିଜେପି ସାଂସଦ ସୁକାନ୍ତ ପାଣିଗ୍ରାହୀ କହିଛନ୍ତି । ଆଗକୁ ବହୁ ବଡ଼ ବଡ଼ ନେତା ବିଜେପିରେ ସାମିଲ ହେବେ ବୋଲି ଶ୍ରୀ ପାଣିଗ୍ରାହୀ କହିଛନ୍ତି । କେବଳ ବିଜେଡି ରାଜ୍ୟସଭା ସାଂସଦ ନୁହନ୍ତି, ବିଜେଡିର ବହୁ ପଦାଧିକାରୀ ବି ବିଜେପି ସମ୍ପର୍କରେ ଅଛନ୍ତି । ବିଜେଡି ବିଧାୟକ ଓ ପୂର୍ବତନ ବିଧାୟକମାନେ ବିଜେପି କଣ୍ଟାକ୍ଟରେ ଅଛନ୍ତି । ଆସନ୍ତା ମାସେ କି ଦେଢ଼ ମାସରେ ସମସ୍ତେ ଇସ୍ତଫା ଦେଇ ବିଜେପିରେ ମିଶିବେ ବୋଲି ସାିଂଦ ଶ୍ରୀ ପାଣିଗ୍ରାହୀ କହିଛନ୍ତି । ପ୍ରକାଶ ଯେ ଓଡ଼ିଶା ରାଜନୀତିରେ ଏବେ ଦଳ ଡିଅାଁ ପର୍ବ ଜୋର ଧରିଛି । ବିଜେପି ସରକାର ଗଠନ ହେବା ପର ଠାରୁ ଦୁଇ ଦୁଇ ଜଣ ରାଜ୍ୟସଭା ସଂସଦ ଦଳ ଛାଡ଼ି ବିଜେପିରେ ମିଶିବା ବିଜେଡିକୁ ଶକ୍ତ ଧକ୍କା ଦେଇଛି ।
ବିଜେପି ନେତା ବି ବିଜେଡି ସମ୍ପର୍କରେ ଅଛନ୍ତି: ଦେବୀ ମିଶ୍ର
