ନୂଆଦିଲ୍ଲୀ: ତେଲଙ୍ଗାନାର କୋମାରାମ ଭୀମ ଆସିଫାବାଦ ଜିଲ୍ଲାରେ ୩.୮ ତୀବ୍ରତା ଭୂକମ୍ବ ଝଟକା ଅନୁଭୂତ । ଏହା ସହିତ କରିମନଗର, ସିରିସିଲା, ନିଜାମାବାଦ, ନିର୍ମଲ, ପେଡାପାଲ୍ଲୀ, ନିର୍ମଲ ଏବଂ ସିଦ୍ଧଦୀପ ଜିଲ୍ଲାରେ ଭୂକମ୍ପ ଝଟକା । ତେବେ ଭୂକମ୍ପ ଜନିତ କ୍ଷୟକ୍ଷତି କିଛି ହୋଇନାହିଁ । କିଛି ସେକେଣ୍ଡ ପାଇଁ ଲୋକ ହାଲକା ଝଟକା ଅନୁଭୂତ କରିଥିଲେ । ତେବେ ଭୂକମ୍ପ ପର ପ୍ରବଳ ବର୍ଷା ପବନ ମଧ୍ୟ ହୋଇଥିଲା ।
NCS ଅନୁଯାୟୀ, ସୋମବାର ସନ୍ଧ୍ୟା ୬.୫୦ ରେ ଭୂମିକମ୍ପ ହୋଇଥିଲା । ଭୂମିକମ୍ପର କେନ୍ଦ୍ରସ୍ଥଳ ଥିଲା ଅକ୍ଷାଂଶ: ୧୯.୨୧ ଉତ୍ତର, ଦ୍ରାଘିମା: ୭୯.୪୧ ପୂର୍ବ । ଏହାର ଗଭୀରତା ଭୂମି ଭିତରେ ୧୦ କିଲୋମିଟର ଥିଲା । ଏହି ଭୂକମ୍ପରେ ଗଙ୍ଗାଧର, ଚୋପପାଣ୍ଡି, ରାମଡୁଗୁ ଏବଂ କରିମନଗର ଜିଲ୍ଲାର ଅନ୍ୟାନ୍ୟ ମଣ୍ଡଳରେ ୩ରୁ ୪ ସେକେଣ୍ଡ ପର୍ଯ୍ୟନ୍ତ ଥରିଥିଲା । ଭୂମିକମ୍ପ ଯୋଗୁଁ କୌଣସି ସମ୍ପତ୍ତି କ୍ଷୟକ୍ଷତି କିମ୍ବା ଆହତ ହେବାର କୌଣସି ଖବର ନାହିଁ ।
ସୂଚନାଯୋଗ୍ୟ, ପାକିସ୍ତାନର ଅନେକ ସହରରେ ଏପ୍ରିଲ ୫ ତାରିଖ ସୋମବାର ଦିନ ଭୂମିକମ୍ପ ଝଟକା ଅନୁଭୂତ ହୋଇଥିଲା । ମଧ୍ୟ ପାକିସ୍ତାନରେ ୪.୨ ତୀବ୍ରତା ଭୂକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପ ଝଟକା ଅପରାହ୍ନ ୪ଟା ୫ ମିନିଟରେ ଆସିଥିଲା । ଭୂକମ୍ପ ଝଟକା ଭୟଭୀତ ହୋଇ ଲୋକ ଘରୁ ବାହାରି ଚାଲିଆସିଥିଲେ । ଭୂମିକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରତାରେ ଥିଲା ।
