ବୃନ୍ଦାବନପୁର ନୂଆଗାଁ ନିବାସୀ ସ୍ଵର୍ଗତ ବଳଭଦ୍ର ରଥଙ୍କ ଧର୍ମପତ୍ନୀ ଅମ୍ବିକା ରଥଙ୍କର ଗତକାଲି ହୃଦଘାତରେ ପରଲୋକ ହୋଇ ଯାଇଛି। ମୃତ୍ୟୁ ବେଳକୁ ତାଙ୍କୁ ୭୫ବର୍ଷ ହୋଇଥିଲା। ସମଗ୍ର ଅଞ୍ଚଳର ଜଣେ ଅତ୍ୟନ୍ତ ସ୍ନେହୀ ଓ ପରୋପକାରୀ ମହିଳା ଭାବରେ ସେ ପରିଚିତ ଥିଲେ। ଗାଆଁର ଝିଅ ଓ ବୋହୂ ହୋଇଥିବାରୁ ସେ ସମସ୍ତଙ୍କର ପ୍ରିୟ ଆମ୍ବୀ ନାନୀ ଭାବେ ପରିଚିତ ଥିଲେ।
ସ୍ବାମୀ ସମ୍ବଲପୁରରେ ଚାକିରୀ କରିଥିବାରୁ ସେ ଘରର ସମସ୍ତ କାମ ସହିତ ଚାଷବାସ କାମ ବି ବୁଝାବୁଝି କରି ନିଜର ଏକ ନିଆରା ଦକ୍ଷତାର ପ୍ରତିପାଦନ କରିପାରିଥିଲେ। ତାଙ୍କର ପରଲୋକରେ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି। ଗ୍ରାମ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା ବେଳେ ମୃତ୍ୟୁ ଶଯ୍ୟା ନିକଟରେ ଦୁଇ ପୁଅ ନିରଞ୍ଜନ, ଅଶୋକ, ଦୁଇ ଝିଅ ନମିତା, ରିତା, ଜ୍ୱାଇଁ, ନାତି, ନାତୁଣୀ, ବନ୍ଧୁ ଓ ଆତ୍ମୀୟ ସ୍ୱଜନ ଉପସ୍ଥିତ ଥିଲେ।
