ପୁରୀ (ଭିଓଭି): ୱାର୍ଲଡ କଲଚର ଓ ଏନଭିରନମେଣ୍ଟ ପ୍ରୋଟେକ୍ସନ କମିଶନ ତରଫରୁ ନୂଆଦିଲ୍ଲୀ ଠାରେ ଆୟୋଜିତ ଏକ ବର୍ଣ୍ଣାଢ୍ୟ ଉତ୍ସବ ରେ ଭାଷା, ସଂସ୍କୁତି, ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ବରିଷ୍ଠ କବୟିତ୍ରୀ, ସୁବକ୍ତା ତଥା ପୁରୀ ସହରର ଗର୍ବ, ଗୌରବ ଶ୍ରୀମତୀ ଗୀତାଞ୍ଜଳି ପଣ୍ଡାଙ୍କୁ ସମ୍ମାନ ଜନକ ଡକ୍ଟରେଟ ଡିଗ୍ରୀ ପ୍ରଦାନ କରାଯାଇଛି। ଭାଷା, ସାହିତ୍ୟରେ ଶ୍ରୀମତୀ ପଣ୍ଡାଙ୍କ ର ଥିବା ସମର୍ପିତ ଭାବକୁ ବିଚାର କରି ଅନୁଷ୍ଠାନ, ଓଡିଶା ପ୍ରଦେଶ ର ପୁରୀ ମାଟିର ଗର୍ବ ଗୀତାଞ୍ଜଳି ପଣ୍ଡାଙ୍କୁ ଏହି ସମ୍ମାନ ପାଇଁ ଯୋଗ୍ୟ ବିବେଚନା କରିଛି।
ଏହି ସମ୍ମାନ ପ୍ରଦାନ ସମୟରେ ମୁଖ୍ୟ ଅତିଥି ରୂପେ ବଲିଉଡ ନାୟକ ପ୍ରିଥ୍ଵୀ ଭାଜିର, “SURA” ଫାଉଂଡେସନ ର ଅଜୟ ତିୱାରୀ, କ୍ୟାପଟେନ ପ୍ରତମ ରଞ୍ଜନ ପ୍ରସାଦ, ଦିଲ୍ଲୀ ପୋଲିସ ର A. C. P ବିଜୟ ଜି, ଭାରତୀୟ ନୌବାହିନୀର ଅଫିସର ରାଜଦୀପ ବର୍ମା, ହରିଆନ ଭି ଗାୟକ ଭୀର. ଚତୁର୍ବେଦୀ, ଏବଂ ଜୁଭେଇନାଲ କୋର୍ଟ ଜଜ କମଲ କାନ୍ତ ଜେନ ଉପସ୍ଥିତ ରହି ଶ୍ରୀମତୀ ପଣ୍ଡାଙ୍କୁ ପ୍ରମାଣପତ୍ର ପ୍ରଦାନ କରିଥିଲେ। ଉତ୍ତରରେ ଶ୍ରୀମତୀ ପଣ୍ଡା କହନ୍ତି, ଏହା କେବଳ ମୋ ରାଜ୍ୟର ସାଢେ 4 କୋଟି ଓଡ଼ିଆଙ୍କ ଭଲ ପାଇବା ଓ ମହାପ୍ରଭୁଙ୍କ ଅପାର କରୁଣାରୁ ସମ୍ଭବ ହୋଇପାରିଛି।
ଆହୁରି ମଧ୍ୟ ସେ କହିଛନ୍ତି, ଦୃଢ ଇଛା ଶକ୍ତି ଓ କିଛି କରି ଦେଖାଇବାର ସାମର୍ଥ୍ୟ ଥିଲେ, ସଫଳତା ଦିନେ ନା ଦିନେ ତୁମ ନିକଟରେ ଆପେ ଆପେ ପହଞ୍ଚିବ, ତାହାର ଜ୍ୱଳନ୍ତ ଉଦାହରଣ ହେଉଛି ମୋର ଆଜିର ଏହି ସମ୍ମାନ। ଏହି ସମ୍ମାନ ମୋତେ ଆଗକୁ ଆଉ କିଛି କରି ଦେଖାଇବାର ସାହସ ଯୋଗାଇଛି। ଶ୍ରୀମତୀ ପଣ୍ଡାଙ୍କର ଏହି କୃତିତ୍ୱ ପାଇଁ ସମାଜର ବିଭିନ୍ନ ମହଲରୁ ଶୁଭେଚ୍ଛା ର ସୁଅ ଛୁଟିଛି।
